გასულ წელს ერიკ ტენ ჰაგმა ემილიანო მარტინესს ანდრე ონანა არჩია

მანჩესტერ იუნაიტედის მთავარ მწვრთნელს, ერიკ ტენ ჰაგს გუნდში იმილიანო მარტინესის მიყვანა შეეძლო, მაგრამ ანდრე ონანა აირჩია.

არგენტინელის აგენტის, გონსალო გონის თქმით, ნიდერლანდელმა სპეციალისტმა კამერუნელ მეკარეზე არჩევანი იმის გამო შეაჩერა, რომ მათ ერთად აიაქსსში უმუშავიათ.

"გასულ წელს ემი მანჩესტერ იუნაიტედში გადასვლასთან ახლოს იყო, მაგრამ ტენ ჰაგმა ონანა აირჩია, რადგან ის ადრე თავისი შეგირდი იყო. მაგრამ შემდეგ კლუბში ყველამ აღიარა, რომ მარტინესი იდეალური ვარიანტი იქნებოდა," - განაცხადა აგენტმა.

მანჩესტერ იუნაიტედმა ონანა ინტერიდან €50.2 მილიონად შეიძინა. კამერუნელმა გოლკიპერმა ინგლისურ გუნდში ჩატარებულ 51 მატჩში 83 გოლი გაუშვა და კარი მშრალად 13-ჯერ შეინახა.