აბრაჰამი მილანში, სალმაკერსი რომაში — მხარეები გაცვლაზე მუშაობენ

2024 წლის ზაფხულის სატრანსფერო ფანჯრის დასრულებამდე, მილანმა და რომამა შესაძლოა ფეხბურთელები გაცვალონ — საუბარია ტამი აბრაჰამზე და ალექსის სალმაკერსზე.

მილანი ინგლისელ შემტევს უკვე რამდენიმე თვეა აკვირდება და 9-იანის პოზიციაზე ერთ-ერთ მთავარ კანდიდატად განიხილავს, ხოლო ბელგიელი გარემარბის დამატება პირადად რომას მთავარი მწვრთნელის, დე როსის მოთხოვნაა.

მხარეები აღნიშნულ გაცვლაზე აქტიურად მუშაობენ და დიდი შანსია, შეთანხმება შედგეს — რომა აბრაჰამის სანაცვლოდ სალმაკერსს და გარკვეულ თანხას ითხოვს.