ითამაშებს თუ არა კილიან მბაპე მადრიდის ატლეტიკოს წინააღმდეგ?

ფრანგი ფორვარდი "ალავესთან" მატჩში (3:2) 80-ე წუთზე შეცვალეს. კილიანმა თეძოს არეში დისკომფორტი იგრძნო - მალე სამედიცინო გამოკვლევებს გაივლის. 

Marca-ს ცნობით, მოსალოდნელია, რომ კილიან მბაპე მადრიდის "ატლეტიკოსთან" მატჩში მიიღებს მონაწილეობას, რომელიც 29 სექტემბერს გაიმართება. 

შეგახსენებთ, რომ 25 წლის თავდამსხმელმა მადრიდის "რეალის" შემადგენლობაში ზედიზედ ხუთ მატჩში შეძლო გოლის გატანა.