ავტორიზაცია
სენსაციური მატჩები ჩემპიონთა ლიგაზე: ასტონ ვილამ ბაიერნს მოუგო, ლილმა კი რეალ მადრიდი დაამარცხა
დღეს ჩემპიონთა ლიგაზე ორი სენსაციური მატჩი ვიხილეთ.
ასტონ ვილა 1-0 ბაიერნი
ასტონ ვილამ ბირმინგემში ბაიერნი 1-0 დაამარცხა და 1982 წლის ჩემპიონთა თასის ფინალის შედეგი გაიმეორა.
79-ე წუთზე ვილა პარკის ბინადართა კოლუმბიელმა ლეგიონერმა, ჯონ დურანმა საჯარიმოს გარედან მანუელ ნოიერს ბურთი თავზე გადაუგდო და შესანიშნავი გოლი გაიტანა.
ბოლო წუთებზე ჰარი კეინს წონასწორობის აღდგენის შანსი ჰქონდა, მაგრამ ემილიანო მარტინესმა ბრწყინვალე სეივი განახორციელა.
ამით ჩემპიონთა ლიგის ჯგუფურ ეტაპზე/ლიგის ფაზაზე ბაიერნის 41-მატჩიანი წაუგებელი სერია დასრულდა.
ლილი 1-0 რეალ მადრიდი
ლილი საკუთარ მოედანზე მადრიდულ გრანდს დაუპირისპირდა და, ასტონ ვილას მსგავსად, 1-0 მოიგო.
მატჩის ერთად გოლი პირველი ტაიმის მიწურულს გავიდა - "ლოს ბლანკოსის" კარი ფრანგული კლუბის კანადელმა თავდამსხმელმა, ჯონათან დევიდმა პენალტით აიღო.
ამ მოგებით ლილმა რეალ მადრიდის 36-მატჩიანი წაუგებელი სერია შეწყვიტა.
