გერმანიამ ნიდერლანდები დაამარცხა

მატჩის ერთადერთი გოლი, რომელიც 64-ე წუთზე გავიდა, ნიკო შლოტერბეკის პასით, ჯეიმი ლეველინგმა გაიტანა, რომელსაც ბუნდესნაკრებში დებიუტი ჰქონდა.

გერმანიას უკვე 10 ქულა აქვს და A ლიგის მე-3 ჯგუფში პირველ ადგილზეა. ნიდერლანდებსა და უნგრეთს 5-5 ქულა აქვთ, მაგრამ რონალდ კუმანის გუნდი ბურთების უკეთესი სხვაობის გამო მე-2 პოზიციაზეა. ბოსნია & ჰერცოგოვინა 1 ქულით ბოლო ადგილზეა.

მომდევნო ტურში გერმანია ბოსნია & ჰერცოგოვინას დაუპირისპირდება, ნიდერლანდები კი - უნგრეთს.