მანჩესტერ სიტი მზადაა, როდრიგოს სანაცვლოდ ასტრონომიული თანხა გადაიხადოს

Fichajes-ის ინფორმაციით, მანჩესტერ სიტი მზადაა, რეალს როდრიგო გოესის სანაცვლოდ €150 მილიონი შესთავაზოს.

სიტიდან ერლინგ ჰოლანდის პოტენციური წასვლის ფონზე, როდრიგო პეპ გვარდიოლას ინტერესთა სფეროში მოექცა. ბრაზილიელი დამატება "ქალაქელთა" შეტევას განსხვავებულ სტილსა და სტრატეგიებს შესძენს.

მიუხედავად ამისა, საკითხავია, მადრიდული გრანდი როდრიგოს გაყიდვას რამდენად დათანხმდება, რადგან მას კლუბის პროექტის მნიშვნელოვან ნაწილად მიიჩნევს. ბრაზილიელს "ლოს ბლანკოსთან" კონტრაქტი 2028 წლის 30 ივნისამდე აკავშირებს.