ესპანეთის სუპერ თასის ფინალში ელ კლასიკოს ვიხილავთ!

ესპანეთის სუპერ თასის ორივე ფინალისტი გაირკვა: გადამწყვეტ მატჩში ერთმანეთს ბარსელონა და რეალ მადრიდი დაუპირისპირდებიან.

მადრიდულმა გუნდმა ცოტა ხნის წინ, ნახევარფინალში მალიორკა 3-0 დაამარცხა. გოლები ჯუდ ბელინგემმა და როდრიგომ გაიტანეს, ერთი ბურთი კი მარტინ ვალიენტმა საკუთარ კარში ჩაჭრა.

ბარსამ ფინალის საგზური ერთი დღით ადრე მოიპოვა, როცა გავისა და ლამინ იამალის გოლებით ბილბაოს ატლეტიკს 2-0 სძლია.

ფინალი 12 იანვარს, ჯედაში გაიმართება. მატჩი სტარტს 23:00 საათზე აიღებს.