ავტორიზაცია

"ქართული ფეხბურთი ვითარდება" — ქინქლაძე ქოჩორაშვილის ტრანსფერს გამოეხმაურა

"ქართული ფეხბურთი ვითარდება" — ქინქლაძე ქოჩორაშვილის ტრანსფერს გამოეხმაურა
თარიღი 01 Apr 2025, 11:34
საქართველოს ეროვნული ნაკრების და ლევანტეს ნახევარმცველი, გიორგი ქოჩორაშვილი სეზონის ბოლოს ესპანეთს დატოვებს და კარიერას პორტუგალიურ სპორტინგში გააგრძელებს.

აღნიშნულ ტრანსფერს, ლეგენდარული ქართველი ფეხბურთელი, გიორგი ქინქლაძე გამოეხმაურა, ქოჩორაშვილს ახალ კლუბში გადასვლა მიულოცა და აღნიშნა, რომ ქართული ფეხბურთი ვითარდება.

"მინდა მივულოცო გიორგი ქოჩორაშვილს დამსახურებული ტრანსფერი პორტუგალიური ფეხბურთის გრანდში. ქოჩორა მაგალითია შრომის, შეუპოვრობის, თავდადებისა და ერთგულების. გულწრფელად მიხარია რომ ქართველი ფეხბურთელების ასპარეზი იზრდება და თითოეული მათგანი თავაწეული ტოვებს საფეხბურთო მინდვრებს. ქართული ფეხბურთი ვითარდება, წინ კიდევ ბევრი გამარჯვება გველის" — გიორგი ქინქლაძე.