ავტორიზაცია
28 წლის შემდეგ პირველად - უკანასკნელად როდის და ვისთან ჰქონდა წაგებული ესპანეთს მუნდიალის შესარჩევი ეტაპის მატჩში?
ესპანეთის ნაკრების გუშინდელი მარცხი შვედეთთან ნამდვილად ისტორიის ნაწილი გახდება.
„ფურია როხამ“ მსოფლიო ჩემპიონატის შესარჩევი ეტაპის მატჩებში 1993 წლის შემდეგ პირველი მარცხი იწვნია - დიახ, არ მოგესმათ, უშუალოდ მუნდიალის შესარჩევ ეტაპზე ესპანეთის ეროვნული გუნდი 28 (!!) წლის მანძილზე არ მარცხდებოდა.
გუშინდელ დღემდე უკანასკნელი მარცხი მსოფლიოს შესარჩევზე ესპანეთის ნაკრებს 1993 წლის მარტში იმდროინდელმა მოქმედმა ჩემპიონმა, დანიის ნაკრებმა (1-0) აგემა.
მას შემდეგ, გუნდმა 66 მატჩი ჩაატარა და არცერთში არ დამარცხებულა - 52 მოგება, 14 ფრე.
მატჩში ანგარიში ესპანეთმა უკვე მე-5 წუთზე გახსნა, გოლის გატანა კარლოს სოლერმა მოახერხა. თუმცა, ზუსტად ერთ წუთში ალექსანდრ ისაკმა წონასწორობა აღადგინა.
გამარჯვების გოლი კი ვიქტორ კლასონმა შეხვედრის 57-ე წუთზე შეაგდო.
