Goal.Ge

კარგი თამაში, თუ უბრალოდ გამართლება ? უნდა გვქონდეს, თუ არა ჩვენი ნაკრების იმედი?



კვირას, 11 ოქტომბერს, ლაიფციგში, „რედ ბულ არენაზე“  გერმანიამ საქართველოს ეროვნული ნაკრები მიიღო და მინიმალური სხვაობით, 2:1 დაამარცხა. გერმანელთა რიგებში თავი თომას მიულერმა და მაქს კრუზემ, ხოლო ჩვენგან - ჯაბა კანკავამ გამოიჩინა. აღნიშნულ შეხვედრას საქართველოში დიდი გამოხმაურება მოჰყვა და ქართველმა გულშემატკივარმა მატჩი ლამის „აღორძინების ეპოქის საწყისად“ მონათლა. რა თქმა უნდა, მატჩში პოზიტიური მომენტების დანახვა შეიძლება, მაგრამ, ვფიქრობ, არა იმ დოზით, რა დოზითაც ეს ჩვენს სამშობლოში მოხდა. მივყვეთ მატჩის მიმდინარეობას... შეხვედრის მე–9 წუთზე დანიშნული ჯარიმის გათამაშებისას ჩვენი მცველები პრაქტიკულად გონზეც კი ვერ მოეგნენ, თუ რა ხდებოდა მინდორზე. თომას მიულერი მეკარესთან ერთი–ერთზე დარჩა, მაგრამ მომენტი ვერ გამოიყენა. ეს, რა თქმა უნდა, საჯარიმოში და ცოცხალ კედელში მყოფი ყველა მცველის წუნად უნდა ჩაითვალოს, მაგრამ, მოდით, ეს მომენტი იმით ავხსნათ, რომ გერმანელთა მოულოდნელი კომბინაცია სხვა ბევრ უმაღლესი დონის მცველსაც დააბნევდა. ჩვენი დაცვის უნიათობა კიდევ ერთხელ ზუსტად 4 წუთში, მატჩის მე–13 წუთზე ვიგრძენით, როცა იმავე თომას მიულერმა და მარკო როისმა საჯარიმოს ხაზთან, ქართველი მცველების გარემოცვაში, გაათამაშეს ორსვლიანი კომბინაცია, რის შემდეგაც როისი კვლავ მარტო დარჩა ნუკრი რევიშვილთან, მაგრამ გერმანელებს ბედმა არც ამჯერად გაუღიმა. იმ დროს, როცა გერმანელთა გაუთავებელი იერიშები უკვე ჩვენი ფეხბურთელებისთვის გაუსაძლისი ხდებოდა, 28–ე წუთზე ჩვენც შევძელით მეტოქის კართან ხიფათის შექმნა - კვეკვესკირის კარგი პასი, შემდეგ ყაზაიშვილი და ერთი შეხებით ოქრიაშვილი, მაგრამ მხოლოდ კუთხური, მანუელ ნოიერი ადგილზეა. ჩვენების ეს იერიში უდავოდ დადებითად უნდა შეფასდეს, მაგრამ უნდა ითქვას, თორნიკე ოქრიაშვილს რომ უფრო კარგი საშემსრულებლო ოსტატობა ჰქონოდა, ანგარიში აუცილებლად გაიხსნებოდა. „ჰქონოდა“–თი საუბარი არასწორია, მაგრამ როცა ამ ფეხბურთელებს ვაქებთ და ვადიდებთ, მათ მინუსებსაც უნდა გავუსვათ ხაზი. ქართველთა კარის დალაშქვრის რეალური შანსი მარკო როისს კიდევ ორჯერ: 31–ე და 37–ე წუთებზე მიეცა, მაგრამ ამჯერადაც რევიშვილმა ივარგა. რთულია ამდენი 100%–იანი საგოლე მომენტის შემდეგ პოზიტივზე ვისაუბროთ. გერმანელებს მომენტები არც მეორე ტაიმში დაკლებიათ, მაგრამ  მხოლოდ გოლებზე გავამახვილებ ყურადღებას. გერ შეხვედრის 50–ე წუთზე გატანილ თერთმეტმეტრიანს 3 წუთში გოლი ჯაბა კანკავამ მოაყოლა. საბოლოო ანგარიში კი შეცვლაზე შემოსულმა მაქს კრუზემ 79–ე წუთზე დააფიქსირა, 2:1. ჩვენი ნაკრების ფეხბურთელთა შეფასება ნუკრი რევიშვილისგან დავიწყოთ. გიორგი ლორიას უთამაშებლობის მიუხედავად, შეიძლება თამამად ვთქვათ, რომ საქართველოს ეროვნულ ნაკრებს მეკარის პრობლემა არ აქვს. „სარანსკის“ კიპერი ჩვენი გუნდის ერთ–ერთი ნათელი წერტილია, რომელმაც მსოფლიოს ჩემპიონებს არც მეტი არც ნაკლები, 17–ჯერ აუღო ბურთი. გავლენიანმა გამოცემა The Guardian–მა ჩვენი კარის დარაჯი მატჩის „აღმოჩენად“ მონათლა. მართლაც, რევიშვილმა არაჩვეულებრივი მატჩი ჩაატარა. სოლომონ კვირკველია, როგორც ყოველთვის, დამაჯერებელი და თითქმის უშეცდომო იყო. „რუბინის“ მცველი მაგალითია, თუ როგორი უნდა იყოს ნამდვილი დაცვის ბურჯი. რაც შეეხება ალექსანდრე ამისულაშვილსა და გურამ კაშიას, სოლომონისა და ნუკრისგან განსხვავებით, მათ თამაშში ხარვეზების პოვნა  საკმაოდ ადვილია. გერმანელთა თითქმის ყველა მწვავე იერიში ცენტალურ ან მარჯვენა–ცენტრალურ ზონაში წარმოიქმნა, რომლის უსაფრთხოებაზე პასუხისმგებლები კი ზემოთხსენებული ფეხბურთელები არიან. გურამ კაშიას რამდენჯერმე ბურთის ხეირიანად არამოტანის ან საერთოდ ვერამოტანის გამო ქართველებმა მწვავე შეტევები იწვნიეს, ხოლო  ამისულაშვილის უმთავრესი მინუსი შეტევებისა და კომბინაციების ვერწაკითხვაა. სავარაუდოდ, ალექსანდრეს იმ საკლუბო დონეზე, რომელზეც ის თამაშობდა, არ უწევდა მსგავსი შეტევების მოგერიება და რეაგირება. ვისაუბროთ ჩვენს მარჯვენა და მარცხენა ფულბექებზე: გორის „დილას“ მარცხენა დამცველი შეტევაში გაცილებით კარგად გამოიყურება, ვიდრე - დაცვაში. გიორგი ნავალოვსკის თამაშს ნამდვილად არ აკლია არც მონდომება და არც ენთუზიაზმი. მთელი მატჩის განმავლობაში შეტევები მარჯვენა, ანუ გიორგი ნავალოვსკის ფლანგიდან მიმდინარეობდა, მაგრამ უნდა ითქვას, რომ რამდენიმე ეპიზოდის გარდა „დილას“ ფეხბურთელი დამაჯერებლად გამოიყურებოდა ისეთი მეტოქეების წინააღმდეგ, როგორებიც არიან: თომას მიულერი, მარკო როისი, ანდრე შურლე და ა.შ. უჩა ლობჟანიძის მიმართ უდიდესი პატივისცემის მიუხედავად, მის თამაშში პოზიტივის დანახვა საკმაოდ რთულია. „ომონიას“ მარჯვენა მცველი პროდუქტიული არც დაცვაში და, მით უმეტეს, არც შეტევაში ყოფილა. უჩას მთავარ პრობლემად ფანტაზიის და ტექნიკის არქონა მიმაჩნია. ის სწორედ ამ პრობლემების გამო მომენტების 95%–ში უკან აბრუნებს ბურთს, რაც სრულიად შლის სწრაფ კონტრ–იერიშებსა თუ პოზიციური შეტევების გამართულობას. ლობჟანიძის თამაშს ვერც დაცვაში მოვუწონებთ... მიუხედავად სისწრაფისა, ლობჟანიძეს მოუხეშავობის გამო ძალიან ხშირად „ატყუებენ“. ჩემი პირადი მოსაზრებით, უჩა ლობჟანიძე ნაკრებში ყველაზე სუსტი რგოლია და სასწრაფოდ საჭიროა მისი შემცვლელის მოძებნა. 23 წლის ნიკოლოზ კვეკვესკირზე კი აუცილებლად დადებითად უნდა ვისაუბროთ. ბაქოს "ინტერის" ფეხბურთელს არც შეტევის ჩაშლის და არც გოლის გატანის ალღო აკლია. აღსანიშნავია მისი გრძელი პასების გადაცემის სიზუსტეც. ამავდროულად, გერმანიასთან მატჩი მისთვის მხოლოდ მე–2 იყო ნაკრების მაისურით. ასე რომ, ნიკასგან მხოლოდ განვითარებასა და წინსვლას უნდა ველოდეთ. ჯაბა კანკავა კი მინდორზე უდავოდ საუკეთესო იყო. რასაკვირველია, უშეცდომო არც ის ყოფილა, თუმცა მისმა თავდადებამ, ბრძოლის ჟინმა და, რაც მთავარია, გოლმა ყველა შეცდომა "გამოისყიდა". "კანკავა მსოფლიო ჩემპიონების პირისპირ. ქართველი ფეხბურთელის გატანილი გოლი, ეს იყო მომაკვდინებელი დარტყმა. რეიმსის ნახევარმცველი მოედანზე მთელი მატჩის განმავლობაში გამორჩეული იყო" – წერს ფრანგული „რეიმსის“ ოფიციალური გვერდი. ჯაბამ ბევრჯერ ჩაჭრა მსოფლიო ჩემპიონთა საკვანძო პასები, რითიც შეაჩერა მათი უხერხული იერიშები. თვითონ გააკეთა ზუსტი პასები, რომლებიც სახიფათო კონტრ–შეტევებს დაედო სათავედ, არაჩვეულებრივი იყო მცველების დაზღვევაზე და ბოლოს, გაიტანა უმნიშვნელოვანესი გოლი, რომლითაც მთელ საქართველოს უდიდესი სიხარული მიანიჭა. ვაკო ყაზაიშვილი, მსუბუქად რომ ვთქვათ, მოედანზე არაჩვეულებრივი იყო, იგივე შეიძლება ითქვას თორნიკე ოქრიაშვილზე, ამ ფეხბურთელებმა მინდორზე ჯაბა კანკავასთან ერთად უდიდესი „შავი სამუშაო“ შეასრულეს. ვაკოს და "ოქრის" დაცვაში თამაში, შემდეგ კი კონტრ–იერიშების წამოწყება და წარმართვა ევალებოდათ, რაც, შეიძლება ითქვას, პირნათლად შეასრულეს, მაგრამ საჭიროა უფრო მეტი საშემსრულებლო კლასი და საკუთარ თავზე მუშაობა. შეხვედრის პირველ ნახევარში ნიკოლოზ გელაშვილი მოედანზე, ყველაზე თუ არა, ერთ–ერთი ყველაზე შეუმჩნეველი ფიგურა იყო, რომელიც მეორე ტაიმში მათე ვაწაძემ შეცვალა. „ორჰუსის“ შემტევი გაცილებით აქტიური იყო მინდორზე, მაგრამ ისიც უნდა გავითვალისწინოთ, რომ მათეს შებრძოლება ჟერომ ბოატენგთან და მატს ჰუმელსთან უწევდა. ფეხბურთელთა შეფასების ბოლოს აუცილებლად უნდა ვისაუბრო ზურაბ ხიზანიშვილზე. ზურას შემოსვლისთანავე მის სამეურვეო ზონაში დარჩა „ღრიჭო“, რომელშიც მაქს კრუსე შეიპარა და, თავისუფალ დარჩენილს, რევიშვილის კარის აღება არ გასჭირვებია. 34 წლის ხიზანიშვილს უკვე არც თვალი უჭრის და არც მუხლი, ამიტომ ვფიქრობ, მართებული იქნებოდა მას ნაკრები დაეტოვებინა. ლევან გერმანიასთან ჩატარებული მატჩი შეაფასა „ემპოლის“ თავდამსხმელმა ლევან მჭედლიძემ, რომელიც საქართველოს ნაკრებს ტრავმის გამო დააკლდა.ძალიან მეწყინა დღევანდელი წაგება მაგრამ ძალიან გახარებულივარ დგევანდელი დღით, ამ თამაშით!!! მე დღეს დავინახე თუ რამდენი შეუძლია ჩვენ ნაკრებს! – წერს საკუთარ Facebook გვერდზე ლევან მჭედლიძე. მატჩის შემდეგ პრესკონფერენციაზე საქართველოს ნაკრების თამაში დადებითად შეაფასა კახაბერ ცხადაძემაც : ცხა „ამაყი ვარ ჩემი ფეხბურთელებით, იმიტომ, რომ ასეთი დონის გუნდთან, რომელიც მოქმედი მსოფლიო ჩემპიონია, მათ თავი ღირსეულად წარმოაჩინეს. ამდენი საგოლე მომენტი, მე მგონი მთელი შესარჩევი ციკლის მანძილზე არავის ჰქონია გერმანიის ნაკრებთან. მაგრამ გერმანია იმიტომაც არის მსოფლიო ჩემპიონი, რომ მათ კარში ასევე მსოფლიო ჩემპიონი და მოედანზე 10 უმაღლესი დონის ფეხბურთელია. ჩემთვის მთავარი იყო თბილისში გერმანიის ნაკრებთან წაგებული მატჩის შემდეგ დღეს დაგვენახა საკუთარი თავი, რა მდგომარეობაში და რა დონეზე ვიმყოფებით. მაინტერესებდა გამეგო, ვმუშაობთ, თუ არა სწორი მიმართულებით. '' - თქვა ცხადაძემ პრესკონფერენციაზე. პირადად მე პოზიტივს იმაში ვხედავ, რომ ამ შეხვედრის შემდეგ, ქართველი ფეხბურთელები საკუთარ თავში ირწმუნებენ, რომ ჩვენც შეგვიძლია წარმატების მიღწევა და საგოლე მომენტების შექმნა, მაგრამ აუცილებელია, თავი არ იჩინოს ქართველთათვის დამახასიათებელმა „თავში ავარდნის“  სინდრომმა. საჭიროა, ჩვენმა ფეხბურთელებმა კიდევ უფრო მეტი დრო დაუთმონ ვარჯიშს, საკუთარ თავზე მუშაობასა და პროგრესისკენ ორიენტირებას. ფედერაციამ და მწვრთნელმა კი ერთობლივად დაიწყოს „ახალი სისხლის“ ძიება. ვფიქრობ, მხოლოდ ამ შემთხვევაში შეიძლება საქართველოს ნაკრებმა სასურველი შედეგის დადებას. საბოლოოდ, საქართველოს ეროვნული ნაკრების თამაში შეიძლება დადებითად შეფასდეს, მაგრამ აუცილებლად უნდა გამახვილდეს ყურადღება იმ უამრავ წუნზე დაცვაში, რამაც ჩვენს კართან რამდენიმე 100%–იანი მომენტის შექმნა გამოიწვია. ვფიქრობ, პირველ რიგში თამაში გამოსასწორებელი სწორედ ჩვენს უკანა ხაზშია. აუცილებლად უნდა გამოვიყენოთ ახალგაზრდა ფეხბურთელთა პოტენციალი: იგივე ნიკა ჭანტურია, გიორგი თევაძე და სხვები... მსოფლიოს 2018 წლის საკვალიფიკაციო ეტაპის დაწყებამდე უნდა მოხდეს ამ ახალგაზრდა ტალანტების გადამზადება და ნაკრებისთვის მომზადება, წინააღმდეგ შემთხვევაში, ამ რეალობით რუსეთში გასამართ მუნდიალზე მოხვედრა კატასტროფულად გაგვიჭირდება.  

დიმა კუტუბიძე, სპეციალურად GOAL.GE-სთვის.


ფეხბურთის ანგარიშები იხილეთ აქ - LIVESCORE

ანჩელოტის ინგლისური კარიერა მანჩესტერთან მარცხს შეეწირა - სარის დღეს იგივე ელის?!

"კლუბის ხელმძღვანელობა მადლობას უხდის კარლოს გაწეული შრომის გამო, მაგრამ ამჟამინდელი შედეგები არ შეესაბამება ჩვენს ამბიციებს."

დღეს, 14:20

თვითმფრინავის ფრენა, რომლითაც სალა მგზავრობდა, სიმულატორით აღადგინეს

თვითმფრინავის ფრენა, რომლითაც არგენტინელი თავდამსხმელი, ემილიანო სალა მგზავრობდა, სიმულატორზე შექმნეს.

დღეს, 14:02

ლივერპულს საკადრო პრობლემები აქვს - ვან დეიკის გარდა, მატჩს ლოვრენიც გამოტოვებს

მიუნხენის "ბაიერნთან" "ლივერპულის" დაცვის ცენტრში ფაბინიოს მოუწევს თამაში.

დღეს, 13:52

აზარის ტრანსფერი რეალში ნეიმარზეა დამოკიდებული

ედენ აზარის ტრანსფერი მადრიდის "რეალში" ნეიმარზეა დამოკიდებული.

დღეს, 13:17

შაქირი: "ბაიერნთან საპასუხო დაპირისპირებას მოუთმენლად ველი"

"ლივერპულის" შემტევმა "ბაიერნში" თამაშს პერიოდი გაიხსენა.

დღეს, 13:05

ალისონი: "ნოიერის წინააღმდეგ თამაში ძალიან საინტერესო იქნება"

"ლივერპულის" მეკარემ, ალისონ ბეკერმა, "ბაიერნთან" მოახლოვებული შეხვედრა შეაფასა.

დღეს, 13:00

კაფუ: "ვინისიუსი - კრიშტიანუ რონალდუ არ არის, მათ შორის უდიდესი სხვაობაა"

ლეგენდარულმა ბრაზილიელმა ვინისიუს ჟუნიორზე ისაუბრა.

დღეს, 12:48

მარსელოს შემდეგ, ბეილი კურტუამაც გააკრიტიკა - რატომ არ დაესწრო უელსელი რეალის ვახშამს?

ბელგიელმა მეკარემ გაამხილა, თუ რატომ არ დაესწრნენ გუნდის ვახშამს გარეტ ბეილი და ტონი კროოსი.

დღეს, 12:42

ზიდანი ჩელსის მხოლოდ ორი პირობით ჩაიბარებს - The Sun

მადრიდის "რეალის" ყოფილმა მთავარმა მწვრთნელმა, ლონდონურ კლუბს საკუთარი პირობები წაუყენა.

დღეს, 12:33

გიგსი: "ვან გაალი მეუბნებოდა, რომ 3 წლის შემდეგ, ადგილს მე დამითმობს"

"მანჩესტერ იუნაიტედის" ექს-ფეხბურთელის თქმით, ჰოლანდიელი სპეციალისტი მასში შემცვლელს ხედავდა.

დღეს, 12:28

კაფუ: "პსჟ-ს ფინალში გასვლა ნეიმარის გარეშეც შეუძლია"

ბრაზილიის ნაკრების ყოფილმა მცველმა, "პარი სენ-ჟერმენის" საჩემპიონთალიგო შანსებზე ისაუბრა.

დღეს, 12:23

ლინგარდი და მარსიალი გრაფიკს ასწრებენ - როდის ბრუნდებიან ემიუს შემტევები?

"მანჩესტერ იუნაიტედის" ორი შემტევის მოედანზე დაბრუნება ახლოვდება.

დღეს, 12:18

იკარდის მეუღლე: "ეს გადაწყვეტილება მაუროსთვის ფეხის დაკარგვის ტოლფასი იყო"

მაურო იკარდის მეუღლე და აგენტი, ვანდა ნარა, არგენტინელისთვის "ინტერის" კაპიტნის სამკლავურის ჩამორთმევას გამოეხმაურა.

დღეს, 12:11

სოლსკიაერი: "სანჩესი კეტჩუპის ბოთლივით არის"

"მანჩესტერ იუნაიტედის" მთავარმა მწვრთნელმა ულე-გუნარ სოლსკიაერმა ალექსის სანჩესზე ისაუბრა.

დღეს, 11:59

ნეიმარის მამა: "მისი აწმყო და მომავალი პარიზს უკავშირდება"

ნეიმარის მამამ, ნეიმარ და სილვამ შვილის ამჟამინდელ მდგომარეობაზე კიდევ ერთხელ ისაუბრა.

დღეს, 11:51

რეალის კიდევ ერთი ანტი-რეკორდი

"ჟირონასთან" წაგების შემდეგ, მადრიდის "რეალმა" მორიგი ანტი-რეკორდი დააფიქსირა.

დღეს, 11:43

იკარდი ინტერი-სამპდორიას მატჩს დაესწრო

მიუხედავად იმისა, რომ მილანის "ინტერსა" და მაურო იკარდის შორის შავმა კატამ გაირბინა, ფეხბურთელი თავის გუნდს უყურადღებოდ მაინც ვერ ტოვებს.

დღეს, 11:33

პსჟ და ვერატი ახალ კონტრაქტზე შეთანხმდნენ

ფრანგული პრესის ცნობით, "პარი სენ-ჟერმენმა" მარკო ვერატისთან შეთანხმებას მიაღწია კონტრაქტის გახანგრძლივების თაობაზე.

დღეს, 11:24

მარსელომ კრიტიკოსებს უპასუხა: "ყველაფერი ჩემი ბრალია!"

მარსელონასთან ერთად, მადრიდის "რეალმა" მიმდინარე სეზონში უკვე მე-8 თამაში ვერ მოიგო.

დღეს, 11:15

მანჩესტერი დე ხეას ახალ კონტრაქტს შესთავაზებს

ბრიტანული პრესის თანახმად, "მანჩესტერ იუნაიტედი" დავიდ დე ხეას დიდი ხნით შენარჩუნებაზე მუშაობს.

დღეს, 11:12

მოურინიო: "საფრანგეთში ვიმუშავებდი"

როგორც ვიცით, ჟოზე მოურინიო "ლილი" - "მონპელიეს" მატჩს დაესწრო, რის შემდეგაც პორტუგალიელმა თავის მომავალზე ისაუბრა.

დღეს, 11:01

ანჩელოტი: "ეს აღარ უნდა განმეორდეს!"

იტალიის ჩემპიონატის გასულ ტურში "ნაპოლი" "ტორინოს" დაუპირისპირდა და ფრედ 0:0 ეთამაშა.

დღეს, 10:56

ტორინოსთან მატჩში ნაპოლიმ მიმდინარე სეზონის რეკორდი დააფიქსირა

როგორც მოგეხსენებათ, "ნაპოლიმ" შინ "ტორინოს" დამარცხება ვერ მოახერხა.

დღეს, 10:50

რეალის სტატისტიკა, რომლითაც გუნდი ლა ლიგაში საუკეთესოა

მადრიდის "რეალი" ლა ლიგის გასულ ტურში "ხირონას" შეხვდა და 1:2 წააგო.

დღეს, 10:41

მბაპეს უნიკალური შედეგი ლიგა 1-ში

"სენტ-ეტიენის" დამარცხების შემდეგ, "პარი სენ-ჟერმენმა" გაიმყარა ლიდერობა.

დღეს, 10:39

ხირონამ რეალთან გამარჯვებით საოცარი შედეგი დააფიქსირა

ლა ლიგის გასულ ტურში მადრიდის "რეალმა" "ხირონას" უმასპინძლა და სენსაციურად, 1:2 დამარცხდა.

დღეს, 10:29

რეალის საშინელი სტატისტიკა მარსელოსთან ერთად

მადრიდის "რეალის" განაპირა მცველმა მარსელომ სრულად ჩაატარა მატჩი, რომელშიც "სამეფო კლუბი" შინ 1:2 დამარცხდა.

დღეს, 10:24

ვილიარეალმა 21-ე საუკუნის ყველაზე ცუდი სერია დაასრულა

ესპანეთის ჩემპიონატის 24-ე ტურში ერთმანეთს "ვილიარეალი" და "სევილია" დაუპირისპირდნენ.

დღეს, 10:14

გიორგი ქვილითაია "ამ სიყვარულისთვის მე ყოველთვის 100%-ით დავიხარჯები!"

ხანგრძლივი პაუზის შემდეგ დაბრუნებულმა გიორგი ქვილითიამ "გენტის" ძირითად გუნდში გაიტანა.

დღეს, 02:59

4-დან 3! - ლორია გერმანიაში კვლავ არ აგებს

გერმანიის ბუნდესლიგა 2-ს გასულ ტურში "არმინია" "მაგდებურგს" დაუპირისპირდა და 1:3 დამარცხდა.

დღეს, 02:56

ყველა სიახლე

კვირის ტოპ 10

ცხრილები