ფოტოები: ასეთ სტადიონზე ითამაშებს ფოთის "კოლხეთი"

უკვე გადაწყდა რომ მიმდინარე სეზონის დარჩენილ საშინაო შეხვედრებს ფოთის ,,კოლხეთი 1913'' რაგბის ,,პარკ არენას'' სტადიონზე ჩაატარებს. 13 მარტს ფოთელები ზემოთხსენებულ არენაზე ქუთაისის ,,ტორპედოს'' უმასპინძლებენ. მატჩი 15 საათზე დაიწყება. დასწრება უფასოა. დღეისათვის კი მომდინარეობს სტადიონის სამატჩოდ მომზადება რაც საკმაოდ შრომატევად სამუშაოებს მოიცავს. უნდა აღინიშნოს რომ საფეხბურთო მატჩების ფოთში ჩატარება საქართველოს რაგბის კავშირის, ფეხბურთის ფედერაციის, კომპანია ,,ქართუს'', ქალაქისა და გუნდის ხელმძღვანელობების ერთობლივმა, შეთანხმებულმა მუშაობამ განაპირობა. რაც შეეხება უშუალოდ სტადიონზე მიმდინარე სამუშაოებს, მასში ინტენსიურადაა ჩართული ქალაქის რაგბის სკოლის და საფეხბურთო კლუბ ,,კოლხეთი 1913''-ის პერსონალი რომლებიც ყველაფერს აკეთებენ რათა ,,პარკ არენა'' სრულ მზადყოფნაში შეხვდეს სამწლიანი პაუზის შემდეგ ფოთში ჩასატარებელ პირველ საფეხბურთო მატჩს. კოლხეთის პრესსამსახური