6 უდიდესი წყევლა ფეხბურთის ისტორიაში

ისევე, როგორც ყველგან, რა თქმა უნდა, მენტალიტეტი ფეხბურთშიც ძალიან მნიშვნელოვანია. შესაბამისად, ცრუმორწმუნეებზე, რომლებსაც წყევლის სჯერათ, შესაძლოა, სხვებმა დიდი ზეგავლენა იქონიოს.

გთავაზობთ ფეხბურთში 6 ყველაზე დიდი წყევლის ისტორიას:

მანჩესტერში 7-იანს დიდი ისტორია აქვს. ამ ნომრით ისეთი ფეხბურთელები თამაშობდნენ, როგორებიც ჯორჯ ბესტი, ერიკ კანტონა და კრიშტიანუ რონალდუ არიან, თუმცა გასულ დეკადაში იუნაიტედის 7-იანებმა წარმატებებს ვერ მიაღწიეს.

2009 წელს, გუნდიდან წასვლის შემდეგ, 7-ნომრიანი მაისური მაიკლ ოუენს ერგო. ეს ნომერი ცოტა ხნით ანტონიო ვალენსიასაც ჰქონდა. ამ ნომერს ანხელ დი მარია და მემფის დეპაიც ატარებდნენ, ახლა კი ის მეისონ მაუნტს ეკუთვნის.

არგენტინაში საკმაოდ უცნაური შემთხვევა მოხდა: 1967 წელს რასინგმა ლიბეტადორესის თასი და საკონტინენტთაშორისო თასი მოიგო, რის შემდეგაც, მათი პრინციპული მეტოქის, ინდეპენდიენტეს ფანებმა რასინგის სტადიონზე შეაღწიეს და 7 მკვდარი კატა დამარხეს.

ამის შემდეგ, რასინგს ტიტულების მოგება გაუჭირდა. 1970-იან წლებში კლუბი წარმატებებს ვერ აღწევდა და 1983-ში უმაღლესი ლიგიდან გავარდა კიდეც. წლების განმავლობაში, კლუბმა 6 კატა იპოვა, მაგრამ მე-7 კვლავ დამარხული რჩებოდა, რის გამოც, ხალხის აზრით, წყევლა გრძელდებოდა. 1998 წელს რასინგი გაკოტრდა. მღვდელმა 100,000 ფანით სავსე სტადონზე ეგზორციზმი ჩაატარა, მაგრამ კლუბს კლუბს ვერაფერმა უშველა.

საბოლოოდ, რასინგის ახალმა მწვრთნელმა, რეინალდო მერლომ მე-7 კატის მოძებნა მოითოვა, რომელიც 2001 წელს იპოვეს. მალევე, იმავე წელს კლუბი არგენტინის ჩემპიონი 1966 წლის შემდეგ პირველად გახდა.

ბაიერ ლევერკუზენს 1990-იანებსა და 2000-იანებში "ნევერკუზენს" (Never - არასდროს) უწოდებდნენ, რადგან მუმდივად მეორე ადგილს იკავებდნენ და ვერაფერს იგებდნენ. 

1997, 1999, 2000 და 2002 წლებში ბაიერმა ბუნდესლიგაში მე-2 ადგილი დაიკავა. 1999/00 წლების სეზონში "ფარმაცევტებს" გერმანიის ჩემპიონობისთვის ბოლო ტურში 1 ქულის აღება სჭირდებოდათ, მაგრამ მატჩი საერთოდ წააგეს. ლევერკუზენმა ერთ სეზონში ბუნდესლიგა ბოლო 3 ტურში დაკარგა და ასევე, გერმანიის თასისა და ჩემპიონთა ლიგის ფინალებიც წააგო.

ლეგენდის თანახმად, ბირმინგემი 1906 წელს, სტადიონის იმ მიწაზე აშენების გამო დაიწყევლა, რომელზეც მანამდე ბოშები ბინადრობდნენ, რამაც კლუბის საუკუნოვანი წარუმატებლობა გამოიწვია.

სენტ ენდრიუზე გასამართი პირველი მატჩი თოვლის გამო გადაიდო, სეზონის ბოლო კი ბირმინგემი დავქეითდა. წლების განმავლობაში კლუბს სულ უფრო და უფრო მეტი დაბრკოლება ხვდებოდა. მე-2 მსოფლიო ომის დროს სტადიონის მთავარი ტრიბუნაც კი დაიწვა, ხოლო 1990-იან წლებში ამ მიწაზე სახიფათო ნივთიერებები აღმოაჩინეს, რომლის მოსაშორებლადაც კლუბს დიდი თანხის გაღება მოუწია. რაც ყველაზე მთავარია, ბირმინგემს ამ პერიოდში სერიოზული ტიტული არ მოუგია.

რონ საუნდერსმა, რომელიც ბირმინგემს 1982/1986 წლებში წვრთნიდა, ამ წყევლის მოხსნა პროჟექტორებზე ჯვრების დამაგრებით ცადა, კიდევ ერთმა მწვრთნელმა, ბარი ფრაიმ ძალიან უცნაური მეთოდი მოიფიქრა - მოედნის კუთხეებში მოშარდვა.

2006 წელს, სავარაუდო წყევლის ბოლო წელს, ბირმინგემი ლიგიდან კვლავ გავარდა, თუმცა, 5 წლის შემდეგ, ლიგის თასი მოიგო და ფინალში, მოულოდნელად, არსენალი დაამარცხა.

1970 წლის მსოფლიო ჩემპიონატზე გასავლელი გადამწყვეტი მატჩის წინ, როდეზიასთან (ახლანდელი ზიმბაბვე) შეხვედრამდე, ავსტრალიელმა ფეხბურთელებმა ჯადოქარს მიმართეს. ავსტრალიელი ფეხბურთელის, ჯონი უორენის ავტობიოგრაფიულ წიგნში წერია, რომ ჯადოქარმა ექიმმა როდეზიას კარის სიახლოვეს ძვლები დამარხა. ავსტრალიამ 3-1 მოიგო და მუნდიალზე გავიდა, მაგრამ ჯადოქარს ფული არ გადაუხადა.

საბოლოოდ, ავტრალია თავად დაიწყევლა - მათ მომდევნო მსოფლიო ჩემპიონატის საკვალიფიკაციო ეტაპზე ისრაელთან წააგეს და ტურნირზე ვერ გავიდნმენ. 1974 წელს კი გუნდი მუნდიალზე მოხვდა, მაგრამ გოლი ვერ გაიტანა. 

წლების განმავლობაში ავსტრალიას ტურნირებზე გასვლა უჭირდა. 2004 წელს, ავსტრალიელმა ჟურნალისტმა, ჯონ საფრანმა ამ წყევლის მოხსნა ცადა და მოზამბიკში გაემგზავრა, სადაც აღნიშნული წყევლა წარმოიშვა, და ახალი ჯადოქარი დაიქირავა. ამან შედეგი გამოიღო - ავსტრალია 2006 წლის მსოფლიო ჩემპიონატზე მოხვდა და მერვედფინალშიც კი გავიდა, სადაც მომავალ ჩემპიონ იტალიასთან წააგო. ამის შემდეგ, ავსტრალიამ მონაწილეობა ყველა მუნდიალზე მიიღო.

ფეხბურთში ყველაზე ცნობილი წყევლა ბენფიკასა და ბელა გუტმანს უკავშირდება. უნგრელმა სპეციალისტმა პორტუგალიური გუნდი 1959 წელს ჩაიბარა და 1962 წელს დატოვა. მან გუნდთან ერთად პორტუგალიის ჩემპიონატი ზედიზედ მოიგო და ჩემპიონთა თასის გამარჯვებულიც გახდა.

წარმატებების მიუხედავად, ბენფიკამ გუტმანს ხელფასის გაზრდაზე უარი უთხრა, რის გამოც ბელამ "არწივები" დაწყევლა. ამის შემდეგ ბენფიკას ევროტურნირი არასდროს მოუგია. გავრცელებული ცნობებით, უნგრელმა მწვრთნელმა თქვა, რომ ისინი ტიტულს 100 წელი ვერ მოიგებენ.

მას შემდეგ ბენფიკამ ბევრი იმედგაცრუება განიცდადა და რამდენიმე ფინალი წააგო: ჩემპიონთა თასის ფინალები 1963, 1965, 1968, 1988 და 1990 წლებში, და UEFA-ს თასის/ევროპა ლიგის ფინალები 1983, 2013 და 2014 წლებში.