საქართველოს თასის მერვედფინალური ეტაპის წილისყრა » GOAL.GE - ფეხბურთი | fexburti

Goal.Ge

საქართველოს თასის მერვედფინალური ეტაპის წილისყრა


საქართველოს თასის მერვედფინალური ეტაპის წილისყრა

17 მარტს, საქართველოს ფეხბურთის ფედერაციაში საქართველოს დავით ყიფიანის სახელობის თასის 1/8-ფინალური ეტაპის წილისყრა გაიმართა, რომელშიც ფეხბურთის ფედერაციის გენერალურ მდივანთან, დავით მუჯირთან ერთად, საქართველოს ფუტსალის ეროვნული ნაკრების მთავარი მწვრთნელი, ავთანდილ ასათიანი მონაწილეობდა.

წილისყრის შედეგად, მერვედფინალურ ეტაპზე გუნდები ასე დაწყვილდნენ:

რუსთავი - ზუგდიდი
სამგურალი - დინამო თბ
ფკ გორი - ნორჩი დინამო
ტორპედო - სამტრედია
იმერეთი - სიონი
დილა - კოლხეთი 1913
გურია - შევარდენი 1906 / საბურთალო
გაგრა - ჩიხურა

გამომდინარე იქიდან, რომ მეთექვსმეტედფინალურ მატჩში, რომელიც 15 მარტს გაიმართა, შევარდენი 1906-ისა და საბურთალოს მონაწილეობით (2:1 საბურთალოს სასარგებლოდ), დაფიქსირდა საქართველოს თასის დებულების მე-9 მუხლის დარღვევა, საკითხი განსახილველად გადაეცა სფფ-ის სადისციპლინო და საფეხბურთო დავების განმხილველ კომიტეტს. შესაბამისად, მერვედფინალის მონაწილე მე-16 გუნდი და გურია - შევარდენი 1906 / საბურთალოს მასპინძელი 18 მარტს, სადისციპლინო კომიტეტის გადაწყვეტილების შედეგად გამოვლინდება.

შეგახსენებთ, რომ მეოთხედფინალისტები ტრადიციულად ერთმატჩიან დაპირისპირებაში გამოვლინდებიან, შეხვედრები კი, 26 აპრილს გაიმართება და მათ პირველად დასახელებული გუნდები უმასპინძლებენ.

ფეხბურთის ანგარიშები იხილეთ აქ - LIVESCORE

ყველა სიახლე

კვირის ტოპ 10

ცხრილები