პატრიკ შიკი იუვენტუსის ფეხბურთელი გახდება

"სამპდორიას" 21 წლის თავდამსხმელი, პატრიკ შიკი უახლოეს დღეებში ტურინის "იუვენტუსის" ფეხბურთელი ოფიციალურად გახდება, იტყობინება იტალიური გავლენიანი გამოცემა - Sky Italia.

"პატრიკ შიკი იუვენტუსის ფეხბურთელი გახდება. რომასაც სურდა მოთამაშის გადაბირება, თუმცა მათ ფული არ ეყოთ", - აცხადებს "სამპდორიას" პრეზიდენტი, მასიმო ფერერო.

აღსანიშნავია, რომ შიკმა გასულ სეზონში 11 გოლი გაიტანა და 3 შედეგიანი გადაცემა გააკეთა.