73 მატჩი ამ სეზონში - პედრიმ ბრუნო ფერნანდეში ჩამოიტოვა

ამ წუთებში ესპანეთი ოლიმპიური თამაშების ფინალში ბრაზილიის წინააღმდეგ თამაშობს.

18 წლის ესპანელი ნახევარმცველი პედრი 2020/21-სეზონში 73-ე მატჩს ატარებს და ის ამ მაჩვენებლით რეკორდსმენი გახდა.

აქამდე, პედრი საუკეთესოობას პორტუგალიის ნაკრების და „მან.იუნაიტედის“ ნახევარმცველ ბრუნო ფერნანდეშთან იყოფდა, ორივეს ანგარიშზე 72 ჩატარებული შეხვედრა იყო.

ახლა კი, ესპანელი ერთპიროვნულად გალიდერდა - მსოფლიო ფეხბურთში ტოპ-დონეზე ამ სეზონში მასზე მეტი მატჩი ჩატარებული არავის აქვს.

შეგახსენებთ, რომ ოლიმპიადამდე, პედრიმ ესპანეთის ნაკრებთან ერთად ევრო 2020-ზეც ითამაშა, ნახევარფინალამდე მივიდა და უეფას მიერ საუკეთესო ახალგაზრდა ფეხბურთელადაც დასახელდა.

საკლუბო დონეზე პედრიმ „ბარსას“ მაისურით 52 მატჩში ჩაატარა და 4 გოლი და 6 საგოლე გადაცემა მიითვალა.