ბაიერნმა ჯავრი მაინცზე იყარა [VIDEO] » GOAL.GE - ფეხბურთი | fexburti

Goal.Ge

ბაიერნმა ჯავრი მაინცზე იყარა [VIDEO]


ბაიერნმა ჯავრი მაინცზე იყარა [VIDEO]

გერმანიის ჩემპიონატის მე-4 ტურის ძირითადი ნაწილი დღეს გაიმართა და თავისი თამაში მიუნხენის "ბაიერნმაც" ჩაატარა. მიუნხენელებმა შინ "მაინცი" მიიღეს.

კარლო ანჩელოტის გუნდმა თავიდანვე აქტიურად დაიწყო და მიზანაც მიაღწია. იოზუა კიმიხის პასის შემდეგ კარისკენ თომას მიულერმა დაარტყმა. ბურთი არიენ რობენს პატარაზე მოხვდა და კარის ბადეში აღმოჩნდა.

ამის შემდეგ "რეკორდმაისტერმა" იმავე ტემპში განაგრძო ზეწოლის განხორციელება, სამი საოცარი მომენტი გააფუჭა, მაგრამ მეორე ბურთი მაინც გაიტანა. კიმიხის შესანიშნავი პასით რობენი რენე ადლერთან პირისპირ დარჩა და გერმანელ კიპერს ტექნიკურად შეუსრულა - 2:0!

მიუნხენელებმა პირველი ნახევარი მშვიდად ჩაამთავრეს, მეორე ტაიმში კი რობერტ ლევანდოვსკიმ ჯერ მიულერის, შემდეგ კი კიმიხის პასით ისარგებლა და დუბლი გაიფორმა. "ბაიერნს" კიდევ რამდენიმე შანსი ჰქონდა, მაგრამ საბოლოოდ 4 ბურთს დასჯერდა.

კარლო ანჩელოტის გუნდმა ძალიან ლამაზი და კარგი ფეხბურთი აჩვენა, მორიგი სამი ქულა მოიპოვა და "ოქტომბერფესტი" წარმატებით დაიწყო. 4 ტურის შემდეგ "ბაიერნმა" 9 ქულა დააგროვა და ახლა მეორე პოზიციაზე იმყოფება.

ბაიერნი 4:0 მაინცი

გოლები: 1:0 - რობენი (11'), 0:2 - რობენი (23'), 0:3 - ლევანდოვსკი (50'), 0:4 - ლევანდოვსკი (77').

შემადგენლობები

ბაიერნი: ნოიერი; კიმიხი, ბოატენგი (ზიულე 62'), ჰუმელსი, რაფინია; ტიაგო, ვიდალი (რუდი 72'); რობენი (რიბერი 62'), მიულერი, კომანი; ლევანდოვსკი.

მაინცი: ადლერი; დონატი, ბელი, დიალო (მუტო 76'), ბალოგანი, ბროზინსკი (გბამინი 65'); სერდარი, ფრეი; იოზტუნალი, დე ბლაზისი (ლატცა 46'), ქაისონი.

მიმოხილვა



ბუნდესლიგის ახალწვეულმა, "შტუტგარტმა", საკუთარ მოედანზე მორიგი გამარჯვება მოიპოვა და ამჯერად "ვოლფსბურგი" მინიმალური ანგარიშით დაამარცხა. ერთადერთი ბურთი პირველი ტაიმის ბოლოს აკოლომ გაიტანა.

შტუტგარტი 1:0 ვოლფსბურგი
აინტრახტი 1:2 აუგსბურგი
ვერდერი 1:2 შალკე

ფეხბურთის ანგარიშები იხილეთ აქ - LIVESCORE

ყველა სიახლე

კვირის ტოპ 10

ცხრილები