ქართული ლეგიონის ამბები - ზაქარია ბეგლარიშვილის გოლი » GOAL.GE - ფეხბურთი | fexburti

Goal.Ge

ქართული ლეგიონის ამბები - ზაქარია ბეგლარიშვილის გოლი


ქართული ლეგიონის ამბები - ზაქარია ბეგლარიშვილის გოლი

გერმანიის მეორე ბუნდესლიგაში ლუკას ჰუფნაგელი ძირითადში იყო დუისბურგთან და 69-ე წუთზე შეცვალეს. მისმა ნიურნბერგმა კი სტუმრად 6:1 მოიგო. ჰუფნაგელის შეცვლამდე ანგარიში 3:0 იყო.

ნიურნბერგი მე-4 ადგილზეა.

ავსტრიის ბუნდესლიგაში გიორგი ქვილიათაიას რაპიდმა სტუმრად 2:2 ითამაშა ალტახთან. ჩვენებური მოედანზე 70-ე წუთზე გამოჩნდა, როდესაც მისი გუნდი აგებდა და ბოლო წუთზე შეძლეს ქულის აღება.

რაპიდი 10 ქულით მე-8 ადგილზეა.

ესტონეთის ჩემპიონატში ფლორამ სტუმრად 2:1 მოუგო პაიდეს. ზაქარია ბეგლარიშვილის გუნდი აგებდა და ტაიმის ბოლოს ჩვენებურმა გაათანაბრა, ხოლო მეორე ტაიმში მოგეს და კვლავაც პირველ ადგილზე არიან. ბეგლარიშვილი 90-ე წუთზე შეცვალეს.

ბეგლარიშვილს გადაწყვეტილი აქვს ესტონეთის მოქალეობის მიღება, მაგრამ ითამაშებს თუ არა იქაურ ნაკრებში, ამაზე მოგვიანებით იფიქრებს.

უნგრეთის ჩემპიონატში ბალმაზუვასპორი შინ დაუხვდა დებრეცენს და 0:1 დამარცხდა. ბაჩანა არაბულმა სრულად ითამაშა, ხოლო ირაკლი მაისურაძე მოდანზე 57-ე წუთზე გამოჩნდა.

ბალმაზუვასპორი კვლავაც ბოლო ადგილზეა.

იტალიის სერია ბ-ში ემპოლი შინ ტრავმირებული ლევან მჭედლიძის გარეშე დაუხვდა ასკოლის და 3:0 მოუგო. მჭედლიძის გუნდი მე-4 ადგილზეა და სერია ა-ში გადასასვლელად იბრძვის.

პოლონეთის ექსტრალიგაში გიორგი მერებაშვილის პლოცკმა შინ 3:1 დაამარცხა პოგონი. ჩვენებური სასტარტო შემადგენლობაში იყო და ბოლომდე გაისარჯა. 51-ე წუთზე კი ყვითელი ბარათიც მიიღო. პოგონის შემადგენლობაში 90 წუთი ითამაშა ლაშა დვალმა და ყვითელი ბარათი მანაც მიიღო, ხოლო მათე ცინცაძე სათადარიგოთა სკამზე დარჩა.

პლოცკი 11 ქულით მე-11 ადგილზეა, პოგონი 8 ქულით _ 13-ზე.

სევილია ბ-ს განაცხადში ვერ მოხვდა გიორგი აბურჯანია, ხოლო ანდალუსიელებმა 0:0 ითამაშეს რაიო ვალეკანოსთან.

სევილია მეორე გუნდი 3 ქულით, მე-19 ადგილზეა და გასავარდნ ზონაში იმყოფება.

უკრაინის ჩემპიონატში სანდრო კობახიძის ვორსკლამ სტუმრად 0:1 წააგო ვერესთან. ჩვენებური მოედანზე 64-ე წუთზე შევიდა, მისმა გუნდმა კი ერთ წუთში გოლი გაუშვა და დამარცხდა. ვორსკლა უკრაინის პრემიერლიგაში მე-3 ადგილზეა.

ფეხბურთის ანგარიშები იხილეთ აქ - LIVESCORE

ყველა სიახლე

კვირის ტოპ 10

ცხრილები