იუვენტუსმა დიბალას ბრწყინვალე ჰეთ-თრიქით იმარჯვა [VIDEO] » GOAL.GE - ფეხბურთი | fexburti

Goal.Ge

იუვენტუსმა დიბალას ბრწყინვალე ჰეთ-თრიქით იმარჯვა [VIDEO]


იუვენტუსმა დიბალას ბრწყინვალე ჰეთ-თრიქით იმარჯვა [VIDEO]

ტურინის "იუვენტუსი" იტალიის სერია ა-ს მეოთხე ტურში სტუმრად "სასუოლოს" დაუპირისპირდა და რეჯიო ემილაში მხიარული მატჩი გაიმართა.

პირველი ტაიმში მასპინძლები ორგანიზებულად მოქმედებდნენ და "იუვეს" ცხოვრება გაურთულეს, მაგრამ პაულო დიბალამ მე-16 წუთზე შორიდან ულამაზესი გოლი გაიტანა და "ბებერი ქალბატონის" ისტორიაში პირველი მოთამაშე გახდა, რომელმაც სერია ა-ს საწყის 4 ტურში მოახერხა თავის გამოჩენა.

მეორე ნახევარი სანახაობრივად დაიწყო. ჯერ დიბალამ მორიგი ბრწყინვალე ბურთი გაიტანა, რასაც "სასუოლოს" სწრაფი პასუხი და პოლიტანოს გოლი მოჰყვა. "სასუოლომ" იბრძოლა, მაგრამ 63-ე წუთზე დიბალამ საჯარიმო დარტყმით ჰეთ-თრიქი გაიფორმა და საბოლოო ანგარიში დააფიქსირა - 3:1.

პაულო დიბალამ საწყის 4 ტურში 8 გოლი გაიტანა, ხოლო "იუვენტუსმა" 12 ქულა დააგროვა და მილანის "ინტერს" გაუთანაბრდა.

სასუოლო 1:3 იუვენტუსი

გოლები: 0:1 - დიბალა (16'), 0:2 - დიბალა (49'), 1:2 - პოლიტანო (51'), 1:3 - დიბალა (63').

შემადგენლობები

სასუოლო: კონსილი; ლიროლა, ლეტშერტი, კანავარო, აჩარბი, აჯაპონგი; სენსი, მანიანელი (მატრი 78'), მაციტელი (დანკანი 58'); პოლიტანო (რაგუზა 64'), ფალჩინელი.

იუვენტუსი: ბუფონი; ლიხშტაინერი (ბარძალი 72'), რუგანი, კიელინი, ალექს სანდრო; პიანიჩი, მატუიდი; კუადრადო, დიბალა (ბერნარდესკი 85'), მანჯუკიჩი; იგუაინი (კოშტა 78').

მიმოხილვა

ასევე იხილეთ თემაზე:
იუვენტუსი პაულო დიბალა

ფეხბურთის ანგარიშები იხილეთ აქ - LIVESCORE

ყველა სიახლე

კვირის ტოპ 10

ცხრილები