სერია ა: ნაპოლიმ ბენევენტოს გადაუარა, მილანმა კი გაჭირვებით მოიგო » GOAL.GE - ფეხბურთი | fexburti

Goal.Ge

სერია ა: ნაპოლიმ ბენევენტოს გადაუარა, მილანმა კი გაჭირვებით მოიგო


სერია ა: ნაპოლიმ ბენევენტოს გადაუარა, მილანმა კი გაჭირვებით მოიგო

იტალიის ეროვნულ ჩემპიონატში მეოთხე ტურის მორიგი თამაშები გაიმართა. შუადღის მატჩები საკმაოდ უხვგოლიანი გამოდგა.

მაურიციო სარის "ნაპოლიმ" საკუთარ მოედანზე ახალწვეული "ბენევენტო" მიიღო და საფეხბურთო გაკვეთილი ჩაუტარა. ნეაპოლელებმა მეტოქე არ დაინდეს და 6:0 გაანადგურეს.

"ცისფრების" ბელგიელმა შემტევმა, დრის მერტენსმა, ჰეთ-თრიქი გაიფორმა, "ნაპოლიმ" კი ჩემპიონთა ლიგაზე განცდილი მარცხის შემდეგ რეაბილიტაცია მოახდინა და 12 ქულით პირველ ადგილზე გადავიდა.

"ბენევენტო" კი ერთადერთი გუნდია, რომელსაც სერია ა-ს მიმდინარე სეზონში არცერთი ქულა არ მოუპოვებია.

ნაპოლი 6:0 ბენევენტო

გოლები: 1:0 - ალანი (3'), 2:0 - ინსინიე (15'), 3:0 - მერტენსი (27'), 4:0 - კალეხონი (32'), 5:0 - მერტენსი (65'), 6:0 - მერტენსი (90' პენ.)

შემადგენლობები

ნაპოლი: რეინა; ჰუსაი, ალბიოლი, კულიბალი, გოულამი; ალანი (როგი 73'), ჟორჟინიო, ჰამშიკი; კალეხონი (ოუნასი 66'), მერტენსი, ინსინიე (ჯაკერინი 57').

ბენევენტო: ბელეკი; ვენუტი, ლუჩიონი, ანტეი (ლეტიცია 33'), დი ჩიარა; ლომბარდი (პარიგინი 77'), ჩიბსა, ვიოლა, ლაზაარი; არმენტეროსი (კატალდი 54'), კოდა.

მიმოხილვა



"მილანმა" კი საკუთარ მოედანზე "უდინეზე" მიიღო და ნიკოლა კალინიჩის დუბლით 2:1 იმარჯვა. ხორვატმა სერია ა-ში "როსონერის" ძირითადში პირველი თამაში ჩაატარა და ახალ გუნდს სამი ქულა მოუტანა.

ვინჩენცო მონტელას გუნდმა რომის "ლაციოსთან" გამანადგურებელი მარცხის შემდეგ ზედიზედ მეორე მატჩი მოიგო და 9 ქულით მეოთხე პოზიციაზე იმყოფება.

მილანი 2:1 უდინეზე

გოლები: 1:0 - კალინიჩი (22'), 1:1 - ლასანია (28'), 2:1 - კალინიჩი (31').

შემადგენლობები

მილანი: დონარუმა; კალაბრია მუსაჩო, ბონუჩი, რომანიოლი, რ.როდრიგესი; კესიე, ბიგლია, ბონავენტურა (ჩალჰანოღლუ 69'); სუსო (კუტრონე 68'), კალინიჩი (ლოკატელი 85').

უდინეზე: სკუფეტი; ლარსენი, დანილო, ნიუტინკი, სამირი; დე პაული, ბეჰრამი (ფოფანა 57'), ბარაკი, იანკტო (მატოში 74'); ლასანია, ლოპესი (ბაიჩი 61').

შემადგენლობები



ამ მატჩების პარალელურად იტალიაში კიდევ ორი შეხვედრა გაიმართა.

ტორინო 2:2 სამპდორია
სპალი 0:2 კალიარი

ფეხბურთის ანგარიშები იხილეთ აქ - LIVESCORE

ყველა სიახლე

ცხრილები