"სევილიას" ახალწვეულმა თავდამსხმელმა, ლუის მურიელმა, "ჟირონასთან" გასვლითი გამარჯვების (1:0) შემდეგ თამამი განცხადება გააკეთა.

"მიხარია, რომ სამი ქულა მოვიპოვეთ და იმედია, წინ კიდევ ბევრი გამარჯვება გველის. იმ სტადიონზე მოვიგეთ, რომელზე თამაშიც ძალიან რთულია.

ლა ლიგის მოგება ჩემი ოცნებაა. ვიცით, რომ მადრიდის "რეალთან" და კატალონიის "ბარსელონასთან" მოგვიწევს ბრძოლა. ეს ორი გუნდი ფავორიტია, მაგრამ ჩვენ ჩემპიონობისთვის ბრძოლას ვაპირებთ", - განაცხადა კოლუმბიელმა შემტევმა.

ესპანეთის ეროვნული ჩემპიონატის საწყისი 4 ტურის შემდეგ ანდალუსიური კლუბი 10 ქულით მეორე პოზიციაზე იმყოფება და "ბარსელონას" 2 ქულით ჩამორჩება.