ანანიძე ისევ ტრავმირებულია, ქართველებმა დანიასა და პოლონეთში ვერ ივარგეს » GOAL.GE - ფეხბურთი | fexburti

Goal.Ge

ანანიძე ისევ ტრავმირებულია, ქართველებმა დანიასა და პოლონეთში ვერ ივარგეს


ანანიძე ისევ ტრავმირებულია, ქართველებმა დანიასა და პოლონეთში ვერ ივარგეს

რუსეთის ჩემპიონატში ჯანო ანანიძის სპარტაკი შინ დაუხვდა ჯაბა ლიპარტიასა და გიორგი ლორიას მახაჩალის ანჟის. მიუხედავად იმისა, რომ სპარტაკი ფავორიტად ითვლებოდა და იგებდა კიდეც, ბოლოს მატჩის გადარჩენა ბოლო წუთზე მოახერხა _ 2:2.

სპარტაკელთა პირველი გოლი ანანიძის წაქცევისთვის დანიშნულ პენალტს მოჰყვა. მალევე ქართველმა ფეხბურტელმა ტრავმა მიიღო და მოედანი 36-ე წუთზე დატოვა.

ლიპარტია განაცხადშიც არ ყოფილა, ხოლო ლორია სათადარიგოთა სკამზე დარჩა.

სპარტაკი 14 ქულით მეექვსე ადგილზეა, ხოლო ანჟის 8 ქულა აქვს და მე-15 პოზიცია უკავია.
პოლონეთის ექსტრაკლასაში ლაშა დვალისა და მათე ცინცაძის პოგონი შინ დაუხვდა გურნიკს და 1:2 დამარცხდა. ორივე ქართველი ძირითად შემადგენლობაში იყო და სრულად გაისარჯა.

პოგონი 8 ქულით მე-13 ადგილზეა.

დანიის სუპერლიგაში მატე ვაწაძისა და დავით სხირტლაძის სილკებორგი სტუმრად 0:4 დამარცხდა კოპენჰაგენთან.

სასტარტოშემადგენლობაში მხოლოს სხირტლაძე გამოჩნდა, რომელიც 71-ე წუთზე შეცვალეს, ხოლო ვაწაძე თადარიგში დარჩა.

სილკებორგს 10 მატჩის შემდეგ 10 ქულა და მე-10 ადგილზეა.

ბელარუსიის ჩემპიონატში ვალერიან გვილიას ბატემ შინ 6:0 მოუგო სლუცკის, ქართველი ფეხბურთელი განაცხადშიც არ ყოფილა.

ბატე 23 ტურის შემდეგ 51 ქულით მესამე ადგილზეა.

ფეხბურთის ანგარიშები იხილეთ აქ - LIVESCORE

ყველა სიახლე

კვირის ტოპ 10

ცხრილები