ქართველები მოედანზე, სკამზე და განაცხადს მიღმა » GOAL.GE - ფეხბურთი | fexburti

Goal.Ge

ქართველები მოედანზე, სკამზე და განაცხადს მიღმა


ქართველები მოედანზე, სკამზე და განაცხადს მიღმა

გერმანიის მეორე ბუნდესლიგის მე-8 ტურში ნიურნბერგმა სტუმრად 3:1 მოუგო ფიურტს. ნიურნბერგელთა 18-კაციან განაცხადში ლუკას ჰუფნაგელი კი მოხვდა, მაგრამ ამჯერად არ უთამაშია.

ნიურნბერგი 16 ქულით მეორე ადგილზეა.

ბელგიის ჩემპიონატში გენტმა შინ 0:1 წააგო ვარეგემთან. გიორგი ჩაკვეტაძე განაცხადშიც არ ყოფილა და ეს უკვე საგანგაშოა _ ქართველი ფეხბურთელი თუ აქამდე განაცხადში ხვდებოდა, მაგრამ არ ათამაშებდნენ, ახლა განაცხადშიც ვერ ხვდება.

გენტი 8 ტურის შემდეგ 6 ქულით მე-13 ადგილზეა.

დანიის სუპერლიგაში რანდერსმა სტუმრად 1:3 წააგო ოდენსესთან. საბა ლობჟანიძე ძირითად შემადგენლობაში იყო და გუნდისთვის 90 წუთი გაისარჯა, მაგრამ ამაოდ...

რანდერსი ბოლო ადგილზეა და დიდი ბრძოლა მოუწევს ელიტაში ადგილის შესანარჩუნებლად.

დანიის რანგით მეორე ლიგაში კი ესბიერგი შინ დაუზავდა კიოგეს _ 1:1. ესბიერგის შემადგენლობაში ლაშა პარუნაშვილი ძირითადში იყო, ბუდუ ზივზივაძე კი 83-ე წუთზე შევიდა მოედანზე. ამ დროს ესბიერგი 0:1 მარცხდებოდა და 2 წუთში გამათანაბრებელი გოლიც გაიტანა.

ესბიერგი 14 ქულით მე-8 ადგილზეა.

რუმინეთის ჩემპიონატში ბუქარესტის იუვენტუსი საკუთარ მოედანზე გაზ მეთანს დაუზავდა _ 1:1. იუვეს სასტარტო შემადგენლობაში ქართველი ნახევარმცველი ნიკა ძალამიძე მოხვდა, რომელიც 62-ე წუთზე შეცვალეს. გაზ მეთანის ძირითადში კი აკაკი ხუბუტია მოხვდა, რომელიც პირველი ტაიმის შემდეგ შეცვალეს.

გაზ მეთანი 6 ქულით ბოლოსწინა, მე-13 ადგილზეა, იუვენტუსი კი 4 ქულით ბოლო პოზიციას იკავებს.

მეკედონიაში ჯაბა ჯიღაურის ვარდარმა სტუმრად 1:0 პელისტერს. ჯაბა სასტარტო შემადგენლობაში იყო. ვარდარი მე-3 ადგილზეა, მაგრამ თამაშით ნაკლები აქვს და ჩემპიონობის ერთ-ერთ კანდიდატად ითვლება.

ფეხბურთის ანგარიშები იხილეთ აქ - LIVESCORE

ყველა სიახლე

კვირის ტოპ 10

ცხრილები