საქართველოს ნაკრებმა მზადება არასრული შემადგენლობით დაიწყო » GOAL.GE - ფეხბურთი | fexburti

Goal.Ge

საქართველოს ნაკრებმა მზადება არასრული შემადგენლობით დაიწყო


საქართველოს ნაკრებმა მზადება არასრული შემადგენლობით დაიწყო

საქართველოსა და უელსის საფეხბურთო ნაკრებებს შორის, მსოფლიოს 2018 წლის ჩემპიონატის საკვალიფიკაციო ეტაპის პირველი მატჩი კარდიფში, ფრედ 1:1 დასრულდა. ამ გუნდებს შორის მეორე შეხვედრა 6 ოქტომბერს, 20:00 საათზე დინამო არენაზე ჩატარდება. ხოლო 9 ოქტომბერს უკვე ბელგრადს ესტუმრება და სერბეთის ნაკრებს გაეჯიბრება.

საქართველოს ნაკრებმა უელსთან და სერბეთთან მატჩებისთვის მზადება დაიწყო. ვლადიმირ ვაისის გუნდმა არასრული შემადგენლობით, თბილისის ზღვის მიმდებარე ტერიტორიაზე არსებულ საფეხბურთო კლუბ ზესტაფონის მოედანზე ივარჯიშა. პროცესი ერთ საათს გაგრძელდა.

წლის ბოლო 2 ოფიციალურ შეხვედრაში ნაკრებს ტრავმების გამო თორნიკე ოქრიაშვილი და ჯანო ანანიძე ვერ დაეხმარებიან. ორივე ფეხბურთელმა გასულ კვირას ტრავმა მიიღო და სანაკრებო მატჩებში მონაწილეობა გამოირიცხა.

დღევანდელ საწვრთნელ პროცესში 17 ფეხბურთელი მონაწილეობდა:

მეკარეები: გიორგი მაკარიძე (მორეირენსე, პორტუგალია), ნუკრი რევიშვილი (დინამო თბ);

მცველები: უჩა ლობჟანიძე (ატირაუ, ყაზახეთი), სოლომონ კვერკველია (ლოკომოტივი, რუსეთი), ლაშა დვალი (პოგონი, პოლონეთი) გიორგი ნავალოვსკი (სკა ენერგია, რუსეთი), ლაშა შერგელაშვილი (რიგასი, ლატვია);

ნახევარმცველები: ნიკა კვეკვესკირი (ტობოლი, ყაზახეთი), ჯაბა კანკავა (უგუნდო), ვაკო გვილია (ბატე, ბელარუსი), გიორგი მერებაშვილი (პლოცკი, პოლონეთი), გიორგი ჭანტურია (ურალი, რუსეთი); ოთარ კიტეიშვილი (დინამო თბ), ლუკას ჰუფნაგელი (ნიურნბერგი, გერმანია);

თავდამსხმელები: გიორგი ქვილითაია (რაპიდი, ავსტრია), ლადო დვალიშვილი (ატირაუ, ყაზახეთი), ირაკლი სიხარულიძე (ლოკომოტივი);

8 ქართველი ლეგიონერი _ გიორგი ლორია (ანჟი, რუსეთი), ოთარ კაკაბაძე (ხიმნასტიკი, ესპანეთი), გურამ კაშია (ვიტესი, ჰოლანდია), დავით ხოჭოლავა (შახტარი, უკრაინა), გიორგი აბურჯანია (სევილია, ესპანეთი), ვაკო ყაზაიშვილი (სან ხოსე, აშშ), ჯაბა ჯიღაური (ვარდარი, მაკედონია), დავით სხირტლაძე (სილკებორგი,დანია) თბილისში მოგვიანებით ჩამოვლენ და საწვრთნელ პროცესში ხვალიდან ჩაერთვებიან.

ფეხბურთის ანგარიშები იხილეთ აქ - LIVESCORE

ყველა სიახლე

კვირის ტოპ 10

ცხრილები