განგაში მერსისაიდში: რა პრობლემის წინაშე დგას ლივერპული? » GOAL.GE - ფეხბურთი | fexburti

Goal.Ge

განგაში მერსისაიდში: რა პრობლემის წინაშე დგას ლივერპული?


განგაში მერსისაიდში: რა პრობლემის წინაშე დგას ლივერპული?

ბოლო პერიოდში "ლივერპული" ბევრ ქულებს კარგავს და იურგენ კლოპის მისამართით კრიტიკაც მატულობს. ეს ყველაფერი კიდევ იმით მძაფრდება, რომ მერსისაიდელები არც ისე დამაჯერებლები არიან როგორც შიდა ჩემპიონატში, ისევე ჩემპიონთა ლიგაზე. ევროპის ყველაზე პრესტიჟულ ტურნირზე ჩატარებულ 2 შეხვედრაში "ლივერპულმა" მხოლოდ და მხოლოდ 2 ქულა აიღო მაშინ, როცა ინგლსური კლუბი თავის ჯგუფში უდავო ფავორიტია.

"ლივერპულის" ბოლოდროინდელ თამაშებში გუნდის პრობლემები თვალსაჩინო გახდა. გუნდს ძალიან უჭირს დაცვის ხაზში და მიუხედავად ვარსკვლავური შემტევი ხაზისა, ბოლო ფაზაში მერსისაიდელთა შემტევები მოიკოჭლებენ და ძალიან ბევრ მომენტს აფუჭებენ. "ბარნლისთან" ნათამაშები ფრის შემდეგ, სადაც "ლივერპულს" საკმაოდ ბევრი მომენტი ჰქონდა, იურგენ კლოპის შეგირდებმა დაძაბულ ბრძოლაში დაამარცხეს "ლესტერ სიტი", თუმცა სტაბილურობა გუნდმა მაინც ვერ შეინარჩუნა და გასულ ტურში "ნიუკასლის" წინააღმდეგ უსახური თამაშის ფონზე, 1:1 ითამაშა. მიუხედავად იმისა, რომ ფილიპე კოუტინიომ ფენომენალური გოლი გაიტანა, "ლივერპულის" დაცვამ ელემენტარული შეცოდმა დაუშვა და გოლი ბავშვურ სიტუაციაში გაუშვა. ხოსელუმ ბურთი "ნიუკასლის" ნახევრიდან, ჯონჯო შელვისგან მიიღო, მსგავსი სიტუაცია "ლივერპულის" დაცვას "სიტისთან" მატჩშიც ჰქონდა, როცა დე ბრუინმა თავისი დიდებული პასით მთელი "ლივერპულის" დაცვა გაჭრა და არგენტინელი ფორვარდი სერხიო აგუერო ერთი-ერთზე დატოვა.

უდავოა, რომ იურგენ კლოპს ერთდროულად რამდენიმე ფრონტზე აქვს საბრძოლო, ასე რომ, მას გაცილებით უფრო სტაბილური გუნდი სჭირდება, ვიდრე ახლა ჰყავს. გასათვალისწინებელია ის ფაქტიც, რომ გუნდის ძირითადი დამცველი - დეიან ლოვრენი ტრავმირებულია და მოედანზე გამაყუჩებლებით თამაშობს, ხოლო რაგნარ კლავანი კი მიუხედავად კოლოსარული გამოცდილებისა, არც ისეთი სწრაფია, როგორიც პრემიერ ლიგის მცველი უნდა იყოს.

განგაში მერსისაიდში: რა პრობლემის წინაშე დგას ლივერპული?

დაცვის ხაზს არა მხოლოდ სისწრაფე, არამედ სიმაღლეც აკლია. მეორე სართულზე გამართული ორთაბრძოლების დიდი უმრავლესობა "ლივერპულის" დაცვას წაგებული აქვს და შედეგიც სახეზეა - "ლივერპულს" პრემიერ ლიგაში მხოლოდ რამდენიმე გუნდზე ნაკლები გოლი აქვს გაშვებული. გარდა დეიან ლოვრენისა, სერიოზული ტრავმა აწუხებს გუნდის ძირითადი შემადგენლობის და ინგლისის ეროვნული ნაკრების მარჯვენა მცველს - ნათანელ კლაინსაც, რომელიც მოედანზე, რამდენიმე გამოცემის ცნობით, როგორც მინიმუმ ოქტომბრის ბოლომდე ვერ გავა.

ახლა კი შეტევის ხაზი განვიხილოთ. მიუხედავად იმისა, რომ მოჰამედ სალაჰის ტრანსფერმა გუნდის შემტევ ხაზს წარმოუდგენლად დიდი პოტენციალი შემატა, რაც პირველ რიგში გუნდის სისწრაფეზე აისახა, გუნდს პრესინგი მაინც უჭირს. ეს ალბათ იმის ბრალია, რომ გუნდს ცენტრალური შემტევი ნახევარმცველი მხოლოდ ფილიპე კოუტინიო ჰყავს. ვაინალდუმი და ემრე ჩანი ძალიან ენერგიულები არიან, თუმცა ისინი პრესინგში არც ისეთ მომგებიანები არიან, როგორიც იგივე ადამ ლალანაა. ინგლისის ნაკრების შემტევ ნახევარმცველსაც ტრავმა აქვს და მოედანზე გასვლას უკვე დიდი ხანია ვერ ახერხებს, თუმცა მას ტრავმის მოშუშებამდე სულ ცოტა დარჩა.

რა პრობლემის წინაშე დგება "ლივერპული"?

იურგენ კლოპი თითქმის ყოველი მატჩის შემდეგ გამართულ პრეს-კონფერენციაზე აცხადებს, რომ მან იცის, თუ როგორ დაიცვას თავისმა გუნდმა თავი, თუმცა ეს ფეხბურთია და ყველაფერი იდეალურად გათვლილი ვერ იქნება. არის შეცდომები და მას ვერასდროს აღმოფხვრი, რადგან არასდროს არაფრისგან ხარ დაზღვეული. ნებისმიერ შემთხვევაში, გერმანელი სპეციალისტი ვალდებულია, რომ გუნდი შედეგზე ათამაშოს და გოლების გაშვების შემთხვევაში იმაზე მეტი გოლი გაიტანოს, ვიდრე მეტოქემ და აქტივში 3 ქულა ჩაიწეროს.

ჯეიმი კარაგერმა კლოპი არა ერთხელ გააკრიტიკა. ჯერ კიდევ მაშინ, როცა "ლივერპულმა" გუნდიდან ლუკას ლეივა გაუშვა, კარაგერმა განაცხადა, რომ ეს გადაწყეტილება აბსოლუტურად გაუმართლებელი იყო და ახლა ეს დამტკიცდა. გუნდს საყრდენ ზონაში უდავოდ უჭირს და ისეთი კარგი საყრდენი, როგორიც ლუკას ლეივა გახლავთ, ნამდვილად არ იყო გასაშვები.

ასეთი თამაშის გაგრძელების შემთხვევაში, "ლივერპულს" მართლაც სერიოზული პრობლემები შეექმნება. პირველ რიგში, დიდი კითხვის ნიშნის ქვეშ დადგება გუნდის ევროტურნირებზე გასვლის შესაძლებლობა. 4-ეულისთვის საკმაოდ ბევრი გუნდი იბრძვის და ასეთ სიტუაციაში ქულების განიავება იურგენ კლოპს ძალიან ძვირად დაუჯდება.

მთელი მსოფლიოს მასშტაბით ვეერ მოძებნით ვერც ერთი გუნდის გულშემატკივრებს, რომლებიც ყოველი შემდეგი სეზონის განმავლობაში იმაზე მეტი იმედებით იქნებიან განწყობილები, ვიდრე "ლივერპულის" ფანები არიან. ასე რომ, მათ გულში არასდროს ქრება ცეცხლი, მაგრამ თუ ქრება ყველაფერი ისევ ახლიდან იწყება, როგორც ეს "ლივერპულის" სიმბოლოსთვის, ფენიქსისთვისაა დამახასიათებელი. "სქაუზერებს" კვლავ სჯერად კლოპის და როგორც მათ ჰიმნში წერია, იციან რომ: "ყოველივე შტორმის შემდეგ, ოქროს ცა გამოისახება". კლოპმა ბოლო განცხადების დროს "ლივერპულის" ჩემპიონობაზეც კი ისაუბრა და განაცხადა, რომ მის გუნდს ნამდვილ ცვლილებამდე სულ ცოტა დარჩა და ყველაფერს მალე ვიხილავთ.

ნიკა ნოზაძე

ფეხბურთის ანგარიშები იხილეთ აქ - LIVESCORE

ყველა სიახლე

კვირის ტოპ 10

ცხრილები