უელსი - მეტოქე რომელსაც სტატისტიკურად ვჯობნით » GOAL.GE - ფეხბურთი | fexburti

Goal.Ge

უელსი - მეტოქე რომელსაც სტატისტიკურად ვჯობნით


უელსი - მეტოქე რომელსაც სტატისტიკურად ვჯობნით

ხვალ საქართველოს ნაკრები 2018 წლის მსოფლიო ჩემპიონატის შესარჩევი ეტაპის ბოლო საშინაო შეხვედრას გამართავს უელსის ეროვნულ გუნდთან.

უელსის ნაკრები ერთერთი იმათთაგანია, ვისთანაც სერიოზული დადებითი ბალანსი გვაქვს _ აქამდე ოთხჯერ დავუპირისპირდით, სამი მოვუგეთ და ერთხელაც ფრე ვეთამაშეთ.

ეს ფრე ამ შესარჩევში იყო _ გასული წლის 9 ოქტომბერს „კარდიფ სიტი სთედიუმზე“ წაგებას გადაგვირჩნენ ბრიტანელები, ვლადიმირ ვაისის გუნდს არაერთი საგოლე მომენტი ჰქონდა, მაგრამ ვერ გამოვიყენეთ და... არადა, უელსი უელსი მუნდიალზე გასასვლელად იბრძვის...

მანამდე კი სამჯერ ვაჯობეთ: პირველად ევრო 1996-ის საკვალიფიკაციო ეტაპის მატჩში. 1994 წლის 16 ნოემბერს ჩატარებული მატჩი ერთ-ერთი საუკეთესოა საქართველოს ნაკრების ისტორიაში. ალექსანდრე ჩივაძის გაწვრთნილმა ნაკრებმა უელსს 5:0 გადაუარა. გოლები თემურ ქეცბაიამ (2), გიორგი ქინქლაძემ, შოთა არველაძემ და გოჩა გოგრიჭიანმა გაიტანეს. იმ მატჩში უელსელთა დღევანდელმა თავკაცმა კრის კოულმენმაც ითამაშა.

საპასუხო მატჩში 1995 წლის 7 ივნისს, კარდიფში გიორგი ქინქლაძის შედევრალური გოლით 1:0 მოვიგეთ.

შემდეგი მატჩი ამხანაგური იყო... 2008 წლის 20 აგვისტოს... სუონსიში ისევ ქართველებმა იმარჯვეს _ 2:1. თავიდან მასპინძლები ჯეისონ კუმასის სწრაფი გოლით დაწინაურდნენ, მაგრამ მეორე ტაიმში, ჯერ ლევან ყენიამ გაათანაბრა, ხოლო შეხვედრის ბოლო წუთზე ბექა გოცირიძემ გამარჯვების ბურთი შეაგდო.

ფეხბურთის ანგარიშები იხილეთ აქ - LIVESCORE

ყველა სიახლე

კვირის ტოპ 10

ცხრილები