ბუფონმა თავისი მემკვიდრე დაასახელა » GOAL.GE - ფეხბურთი | fexburti

Goal.Ge

ბუფონმა თავისი მემკვიდრე დაასახელა


ბუფონმა თავისი მემკვიდრე დაასახელა

იტალიის ეროვნული ნაკრებისა და ტურინის "იუვენტუსის" ლეგენდარულმა მეკარემ, ჯანლუიჯი ბუფონმა, საკუთარ კარიერას გადაავლო თვალი და მემკვიდრეც დაასახელა.

"სანაკრებო კარიერა იმ მოთამაშეებთან ერთად დავიწყე, რომლებიც 60-იან წლებში დაიბადნენ და ვასრულებ 2000 წლიან ბიჭებთან ერთად. ვფიქრობ, ეს არაჩვეულებრივი მოვლენაა.

ვამაყობ, რომ საკუთარი ადგილის შენარჩუნება ამდენი ხნის განმავლობაში მოვახერხე - ეს დიდებულია. ფეხბურთი ნამდვილად შეიცვალა და მოხარული ვარ, რომ ცვლილებებს ფეხი ავუწყე.

ახლა მეკარეების ფეხით თამაშს უფრო მეტი ყურადღება ექცევა და ბოლო 6-7 სეზონის განმავლობაში გოლკიპერები საკუთარი გუნდის შეტევასაც კი იწყებენ.

მეკარე, რომელიც შეიძლება ჩემს კვალს გაჰყვეს? ამ ეტაპზე დონარუმაზე ვფიქრობ, რომელიც ევროპაში ერთ-ერთი ყველაზე პერსპექტიული მეკარეა. ის ჯერ კიდევ ძალიან ახალგაზრდაა.

გამოვარჩევდი მანუელ ნოიერს, დავიდ დე ხეასა და ტიბო კურტუასაც, რომელთა კარგი, ლამაზი სეივები დიდ სიამოვნებას მანიჭებს", - განაცხადა ჯიჯი ბუფონმა, რომელიც 39 წლის გახლავთ.

ბუფონის დებიუტი იტალიის ნაკრებში 17 წლის ასაკში შედგა. მას შემდეგ უკვე 22 წელი გავიდა და ჯიჯი კვლავ "სკუადრა აძურას" პირველი ნომერია.

ფეხბურთის ანგარიშები იხილეთ აქ - LIVESCORE

ყველა სიახლე

კვირის ტოპ 10

ცხრილები