დი მარია: "მესიმ არგენტინა 2018 წლის მსოფლიო ჩემპიონატზე გაიყვანა" » GOAL.GE - ფეხბურთი | fexburti

Goal.Ge

დი მარია: "მესიმ არგენტინა 2018 წლის მსოფლიო ჩემპიონატზე გაიყვანა"


დი მარია:

არგენტინის ეროვნული ნაკრების ნახევარმცველმა, ანხელ დი მარიამ მუნდიალის შესარჩევ ეტაპზე ეკვადორთან (3:1) გამართული მატჩის შემდეგ აღნიშნა, რომ თავდამსხმელმა, ლიონელ მესიმ შესანიშნავი შეხვედრა ჩაატარა.

გარდა ამისა, "პსჟ"-ს შუახაზელმა თქვა, რომ თანაგუნდელები მესის უნდა დაეხმარონ.

შეგახსენებთ, "ბარსელონას" ფორვარდმა ზემოთაღნიშნულ მატჩში ჰეთ თრიქი შეასრულა. ამ გამარჯვების წყალობით არგენტინამ 2018 წლის მუნდიალის საგზური გაინაღდა.

"მესი შესანიშნავი იყო. ისეთივე, როგორც გასულ მატჩებში. თუმცა აქამდე გოლების გატანასთან დაკავშირებით არ გვიმართლა, დღეს კი მეტოქის კარი ავიღეთ", - ციტირებს დი მარიას სიტყვებს Ole.

"ვიმედოვნებ, ასე გავაგრძელებთ".

"მესი ყველას აღემატება, მან მიაღწია იმას, რომ არგენტინის ნაკრები მსოფლიო ჩემპიონატზე იასპარეზებს. უნდა დავეხმაროთ, რათა ითამაშოს ისე, როგორც შეუძლია", - დასძინა ანხელმა.

ფეხბურთის ანგარიშები იხილეთ აქ - LIVESCORE

ყველა სიახლე

კვირის ტოპ 10

ცხრილები