იმობილე - ევროპა ლიგის კვირის საუკეთესო მოთამაშე

რომის "ლაციოს" ცენტრალური თავდამსხმელი, ჩირო იმობილე, ევროპა ლიგის კვირის საუკეთესო ფეხბურთელად დასახელდა.

ევროპა ლიგის საპასუხო 1/16 ფინალურ შეხვედრაში "არწივებმა" შინ ბუქარესტის "სტიაუა" 5:1 გაანადგურეს და ჩირომ ჰეთ-თრიქის გაფორმება მოახერხა.

უეფას გამოკითხვის შედეგად იმობილემ ხმების 49% დააგროვა. მან "მილანის" თავდამსხმელ ფაბიო ბორინის (32%), "ატლეტიკოს" ფორვარდ კევინ გამეიროს (15%) და "ნაპოლის" ნახევარმცველ პიოტრ ზელინსკის (4%) აჯობა.

28 წლის იტალიელი მიმდინარე სეზონში ფანტასტიკურად გამოიყურება - ყველა ტურნირზე ჩატარებულ 31 თამაშში მან 31 გოლი გაიტანა.