წალკაში გატარებული ბავშვობა, პუტინი და 600 მილიონიანი ქონება - პაოკის ქართველ-ბერძენი პრეზიდენტის ისტორია » GOAL.GE - ფეხბურთი | fexburti

Goal.Ge

წალკაში გატარებული ბავშვობა, პუტინი და 600 მილიონიანი ქონება - პაოკის ქართველ-ბერძენი პრეზიდენტის ისტორია


წალკაში გატარებული ბავშვობა, პუტინი და 600 მილიონიანი ქონება - პაოკის ქართველ-ბერძენი პრეზიდენტის ისტორია

როგორც მოგეხსენებათ, რამდენიმე დღის წინ, საბერძნეთის ჩემპიონატში სკანდალური ინციდენტი მოხდა, რომელმაც მთელი საფეხბურთო ევროპა შეძრა. მიმდინარეობდა "პაოკი"-"აეკის" შეხვედრა, სადაც დაძაბულობა მოედნის ყოველ მონაკვეთში სუფევდა.

გამარჯვების შემთხვევაში, "არწივები" პირველ ადგილზე გადადიოდნენ და უნდა ითქვას, რომ "პაოკი" მიზანთან ძალიან ახლოს იყო. მატჩის ბოლო წუთებზე სალონიკელებმა მოახერხეს ბურთის გატანა, მაგრამ მსაჯმა თამაშგარე დააფიქსირა, რის გამოც გოლი გაუქმდა.

წალკაში გატარებული ბავშვობა, პუტინი და 600 მილიონიანი ქონება - პაოკის ქართველ-ბერძენი პრეზიდენტის ისტორია

"პაოკის" გულშემატკივართა აღშფოთებას საზღვარი არ ჰქონდა, თუმცა ყველაზე ემოციურად არბიტრის გადაწყვეტილება კლუბის პრეზიდენტმა გააპროტესტა. "არწივების" მფლობელი განრისხებული შემოვარდა მოედანზე და მსაჯისკენ გაიწია. კამერებმა დააფიქსირეს, რომ "პაოკის" პრეზიდენტს იარაღიც თან ჰქონდა.

საბიედნიეროდ ინციდენტს მსხვერპლი არ მოჰყოლია, მაგრამ რომ არა გამშველებლები, სტადიონ "ტუმბას" მინდორი წითელ ფერში შეიღებებოდა. მოედანზე შეჭრილი შეიარაღებული ბიზნესმენის ფოტოები უმალვე მოედო მთელ მსოფლიოს.

წალკაში გატარებული ბავშვობა, პუტინი და 600 მილიონიანი ქონება - პაოკის ქართველ-ბერძენი პრეზიდენტის ისტორია

მატჩის დასრულება ვერ მოხერხდა, დროებით თვითონ ჩემპიონატიც კი შეწყდა. "პაოკის" პრეზიდენტი იმ თამაშის შემდეგ, ხალხში აღარ გამოჩენილა. ქალაქ სალონიკის პროკურატურას უკვე გააჩნია მისი დაპატიმრების ორდერი, მაგრამ არის ერთი პრობლემა - სკანდალური პიროვნება გაუჩინარდა და ახლა ის ძებნაშია.

ბერძნული კლუბის პრეზიდენტის შესახებ მთელი საფეხბურთო სამყარო საუბრობს, მაგრამ უმეტესობამ საერთოდ არ იცის, ვინ არის ის და რას წარმოადგენს. არადა ბატონ ივან სავიდის ბიოაგრაფია სავსეა საინტერესო ფაქტებით. სკანდალური ბიზნესმენის ცხოვრების დეტალები ქართველ მკითხველსაც დააინტერესებს, ამას თავის მიზეზიც აქვს.

წალკაში გატარებული ბავშვობა, პუტინი და 600 მილიონიანი ქონება - პაოკის ქართველ-ბერძენი პრეზიდენტის ისტორია

წალკაში გატარებული ბავშვობა

ივან სავიდი დაიბადა 1959 წლის 27 მარტს, წალკის რაიონ სოფელ სანთაში. თვითონ დასახლება პონტოელი ბერძნების მიერ არის დაარსებული, რომლებიც 1853 წელს შესახლდნენ ქვემო ქართლის მიწაზე.

წალკაში გატარებული ბავშვობა, პუტინი და 600 მილიონიანი ქონება - პაოკის ქართველ-ბერძენი პრეზიდენტის ისტორია

გასული საუკუნის 90-იან წლებამდე, სანთის მოსახლოების უმრავლესობას სწორედ ბერძნები წარმოადგენდნენ, თუმცა 2014-წლის მონაცემების თანახმად, სოფელში უკვე ქართველები ჭარბობენ (დაახლოებით 83%).

სავიდიმ მთელი ბავშვობა სანთის ტბაზე გაატარა, ისტორიული თანამემამულეების გვერდით. ივანი თავს პონტოელ ბერძენად მიიჩნევს და ძალიან ამაყობს კიდეც თავისი წარმომავლობით. ამის გარდა, ის საკმაოდ თბილად და დადებითად იხსენებს საქართველოში გატარებულ პერიოდს.

წალკაში გატარებული ბავშვობა, პუტინი და 600 მილიონიანი ქონება - პაოკის ქართველ-ბერძენი პრეზიდენტის ისტორია

თამბაქოს მაგნატი

სკოლის დამთავრების შემდეგ, სავიდი სამხედრო ვალდებულების მოსახდელად გაიწვიეს სსრკ-ს არმიაში, რის მერეც, ივანი გადაბარგდა ქალაქ როსტოვში, სადაც ადგილობრივ სახალხო-სამეურნეო ინსიტუტში ჩაირიცხა.

1980 წელს, სავიდიმ მუშაობა დაიწყო როსტოვის თამბაქოს ქარხანაში. ქართველი-ბერძენი საოცრად მონდომებული ახალგაზრდა იყო, მან უმოკლეს დროში გაიარა გზა უბრალო მტვირთავიდან-ქარხნის დირექტორამდე. 1993 წელს კი სავიდიმ უკვე საკუთარი თამბაქოს კომპანია დაარსა, რომელსაც უკავშირდება ბიზნესმენის პირველი ხმაურიანი სკანდალი.

წალკაში გატარებული ბავშვობა, პუტინი და 600 მილიონიანი ქონება - პაოკის ქართველ-ბერძენი პრეზიდენტის ისტორია

სავიდიმ დიდი როლი ითამაშა თამბაქოს პოპულარიზაციაში მოზარდებს შორის. მისი ბრენდი უშვებდა ე.წ. "თინეიჯერულ" სიგარეტს, კომპანიის რეკლამებში კი მონაწილეობას იღებდნენ არასრულწოვნები. ამის გამო ივანს მსხვილი ჯარიმაც დააკისრეს, თუმცა სანქციებმა არ შეუშალა ხელი ბერძენს გამხდარიყო "თამბაქოს მაგნატი" რუსეთში.

2003 წელს, ივანმა დაარსა ჰოლდინგი სახელწოდებით "აგროკომი", რომლის საშუალებითაც ის დღემდე მართავს თავის აქტივებს. სავიდის ბიზნესი უკვე დიდი ხანია, რაც ვრცელდება არა მხოლოდ სიგარეტზე, არამედ საკვებ პროდუქციაზე, სოფლის მეურნეობაზე და სასტუმროს ქსელზეც. ამის გარდა, ივანის მფლობელობაშია ერთ-ერთ ბერძნული ტელე-კომპანია და რამდენიმე გაზეთი.

წალკაში გატარებული ბავშვობა, პუტინი და 600 მილიონიანი ქონება - პაოკის ქართველ-ბერძენი პრეზიდენტის ისტორია

სავიდის ჯერ მხოლოდ თავისი თამბაქოს ბრენდისგან აქვს ყოველწლიური შემოსავალი 25 მილიარდი რუბლის სახით, "Forbes"-ი კი ქართველ-ბერძენის ქონებას 600-მილიონ დოლარად აფასებს.

სავიდი და ფეხბურთი

2002 წელს ივანმა შეიძინა კლუბი "როსტსელმაში" (ამჟამინდელი "როსტოვი") და გულშემატკივრებს ტიტულებს შეჰპირდა. სავიდიმ ვერ მოახერხა როსტოვული გუნდის აღორძინება, ერთადერთი მიღწევა, რითაც მან დაიკვეხნა არის რუსეთის თასის ფინალში გასვლა.

"როსტსელმაშის" გარდა, ქალაქში არსებობდა კიდევ ერთი კლუბი სახელად "სკა". ბერძენს ჰქონდა ორი გუნდის გაერთიანების მცდელობა, რომელიც აგრეთვე წარუმატებლად დასრულდა.

წალკაში გატარებული ბავშვობა, პუტინი და 600 მილიონიანი ქონება - პაოკის ქართველ-ბერძენი პრეზიდენტის ისტორია

ადგილობრივი გულშემატკივრები სავიდის "როსტოვული ფეხბურთის მკვლელს" ეძახიან, რადგან მისმა ფინანსურმა შესაძლებლობებმა კარგი არაფერი შესძინა კლუბს, პირიქით, ივანს მალევე მობეზრდა "როსტსელმაში", რის შედეგად მან მიაგდო ეს გუნდი და ახალი ბიზნეს-პროექტების საძიებლად გაეშურა.

კლუბი გაკოტრდა, თუმცა მოგვიანებით აღზევება მაინც მოახერხა, ამჯერად "როსტოვის" სახელით. დიახ, ეს ის გუნდია, რომელმაც შარშან მიუნხენის "ბაიერნი" დაამარცხა ჩემპიონთა ლიგაზე.

წალკაში გატარებული ბავშვობა, პუტინი და 600 მილიონიანი ქონება - პაოკის ქართველ-ბერძენი პრეზიდენტის ისტორია

მოგვიანებით, სავიდიმ განაცხადა, რომ "როსტსელმაშის" პრეზიდენტობა მისი ნებით არ მომხდარა, თუმცა მან არ დააკონკრეტა გარემოება ან პიროვნება, თუ რის ან ვის გამო მოუწია მას აღნიშნულ კლუბში ინვესტირება. ამის გარდა, პერიოდულად ჩნდებოდა ინფორმაცია ჩაწყობილი თამაშების შესახებ.

2012 წელს, ივანმა 10 მილიონ ევროდ შეიძინა ბერძნული "პაოკი", რის შემდეგაც მან დაფარა კლუბის ვალები და აქტიურად ჩაება მის განვითარების პროცესში. ბევრს მიაჩნია, რომ "პაოკის" ყიდვა ფულის გათეთრების მიზნით იყო განხორციელებული, რადგან სავიდის სალონიკში სულ სხვა ინტერესები ჰქონდა. მაგალითად, საბერძნეთში გადაბარგების შემდეგ, ივანი მალევე დაუფლა ქალაქის უმსხვილეს საპორტო კომპანიას.

წალკაში გატარებული ბავშვობა, პუტინი და 600 მილიონიანი ქონება - პაოკის ქართველ-ბერძენი პრეზიდენტის ისტორია

სავიდი და პუტინი

2003 წელს, ქართველმა-ბერძენმა ყველაფერი თავისი მეუღლის სახელზე გადააფორმა და პოლიტიკისკენ აიღო გეზი. ის სახელმწიფო დუმის დეპუტატად აირჩიეს, რომლის წევრიც ის 7 წლის მანძილზე იყო. 2012 წელს კი ივანი აღარ ითვლებოდა სასურველ კანდიდატად, რის შედეგადაც მისი პოლიტიკური კარიერა რუსეთში დასრულდა.

წალკაში გატარებული ბავშვობა, პუტინი და 600 მილიონიანი ქონება - პაოკის ქართველ-ბერძენი პრეზიდენტის ისტორია

სწორედ ამ პერიოდში მოხდა განხეთქილება პუტინსა და სავიდის შორის. დეპუტატობის შემდეგ, ივანი საბერძნეთის ეკონომიკაში შეიჭრა და დიდძალი ინვესტიციებიც განახორციელა. აღნიშნული ქმედება არ მოეწონა რუსეთის პრეზიდენტს, რის გამოც ივანი კრიტიკის ქარ-ცეცხლში მოექცა.

"თანამემამულე ბიზნესმენები ვალდებულნი არიან ხელი შეუწყონ პირველ რიგში რუსეთის ეკონომიკის განვითარებას. ძალიან გამიკვირდა, როდესაც ვნახე, თუ რამხელა ინვესტიციები არის განხორციელებული საბერძნეთში," - პუტინი.

სავიდიმ კი უპასუხა: "საბერძნეთი ჩემი ყველაფერია, რადგან სუფთა სისხლის პონტოელი ვარ. ამ ქვეყნის ეკონომიკაში უკვე 300-მილიონიანი ინვესტირება ჩავდე და ამით არ შემოვიფარგლები, რადგან საბერძნეთი ჩემი სამშობლოა,"

წალკაში გატარებული ბავშვობა, პუტინი და 600 მილიონიანი ქონება - პაოკის ქართველ-ბერძენი პრეზიდენტის ისტორია

კრიმინალურ სამყაროსთან კავშირი

ქართველ-ბერძენს ყოველთვის ადანაშაულებდნენ კანონიერ ქურდებთან მეგობრობაში და უნდა ითქვას, რომ სავიდი არ ადასტურებდა, თუმცა არც უარყოფდა ამ ცნობას. მტკიცებულებები არ არსებობს, ივანი ოფიციალურად სუფთაა, მაგრამ ამას ვერ ვიტყვით მის ოჯახის წევრებზე.

წალკაში გატარებული ბავშვობა, პუტინი და 600 მილიონიანი ქონება - პაოკის ქართველ-ბერძენი პრეზიდენტის ისტორია

2012 წელს, ბერძნულმა სამართალდამცავ ორგანოებმა დააკავეს ბიზნესმენის ძმა, ირაკლი, რომელიც ისევ და ისევ კრიმინალურ სამყაროსთან კავშირში იყო ეჭვმიტანილი.

2016 წელს კი როსტოვში, მრავალრიცხოვანი თაღლითობების ბრალდებით, დაკავებული იქნა სავიდის ძმისშვილი, მიკისი, რომელსაც მიესაჯა 7-წლით თავისუფლების აღკვეთა. როდის შეურთდება ოჯახის წევრებს ივანი, ამას დრო გვიჩვენებს.

ფეხბურთის ანგარიშები იხილეთ აქ - LIVESCORE

ყველა სიახლე

კვირის ტოპ 10

ცხრილები