9 ფორვარდი, რომელიც მანჩესტერ სიტიმ ხულიან ალვარესის შემცვლელად უნდა განიხილოს

Goal.com გვთავაზობს იმ ფეხბურთელთა ჩამონათვალს, რომელთა შეძენაც (ერთ-ერთი უკვე თავისი საკუთრებაა) მანჩესტერ სიტიმ ალვარესის შესაცვლელად უნდა განიხილოს.

შვედი ტალანტი 2022 წლის ზაფხულში ნიუკასლმა რეალ სოსიედადიდან £63 მილიონად ($80 მლნ) შეიძინა და კლუბის ისტორიაში ყველაზე ძვირადღირებული ტრანსფერი გახდა. მოგვიანებით, მანჩესტერ სიტის თავკაცმა, პეპ გვარდიოლამ განაცხადა, რომ მისი დამატებით ინტერესდებოდა.

ისაკს "კაჭკაჭებში" შესანიშნავი სეზონი ჰქონდა და, ყველა ტურნირის ეგიდით, 35 გოლი გაიტანა, რამაც გვარდიოლაზე დიდი შთაბეჭდილება მოახდინა. პეპმა თქვა, რომ შვედს სოსიედადში თამაშის დროს აკვირდებოდა და მისი პოტენციალი დაინახა.

25 წლის ალექსანდრი ალვარესის შემცვლელად იდეალური ვარიანტია და ერლინგ ჰოლანდის ძლიერი დუბლიორი იქნება. მათ, შესაძლოა, ერთადაც ითამაშონ.

სიტიმ იცის, რომ ოპენდა ძლიერი თავდამსხმელია, რადგან გასულ სეზონში, ჩემპიონთა ლიგაზე მან მანჩესტერს 3 გოლი გაუტანა. ჯამში, 2023/24 წლების სეზონში ბელგიელმა 28 გოლი შეაგდო და ბუნდესლიგაში ბომბარდირებს შორის მე-3 ადგილიც დაიკავა.

ლუისი ლაიფციგმა ლანსიდან €45 მილიონად (£38 მლნ/$49 მლნ) იყიდა და კლუბის ისტორიაში ყველაზე ძვირადღირებული შენაძენია. გერმანულ კლუბს, სავარაუდოდ, მისი გაყიდვა არ სურს, მაგრამ ისინი ფეხბურთელებს ხშირად ასხვისებენ და, თუ ინგლისური გუნდი ლაიფციგს სარფიანი შეთავაზებით მიმართავს, ალბათ, ტრანსფერს განიხილავენ.

გერმანელი ამპლუით ფლეიმეიქერია და არა - ცენტრფორვარდი, მაგრამ ალვარესი სიტიში ხშირად სწორედ მის პოზიციაზე თამაშობდა, შესაბამისად, არგენტინელის შემცვლელიც უნივერსალი უნდა აიყოს.

გასულ სეზონში ვირცი ლევერკუზენში ბრწყინავდა: მან 18 გოლი გაიტანა და 20 ასისტი მიითვალა. ფლორიანის სატრანსფერო ღირებულება £100 მილიონზე მეტს შეადგენს, რაც მას სიტის ისტორიაში ყველაზე ძვირადღირებულ მოთამაშედ აქცევს. ვირცი არა მხოლოდ ალვარესის იდეალური შემცვლელი იქნება, არამედ - კევინ დე ბრუინისაც, რომელიც, შესაძლოა, ამ სეზონის მერე გუნდიდან წავიდეს.

ოსიმენი 2022/23 წლების სეზონში ევროპაში საუკეთესო ბომბარდირებს შორის მე-5 ადგილს იკავებდა და ნაპოლის სერია ა-ს ჩემპიონობაში ძალიან დაეხმარა. თუმცა, ახლა მას იტალიურ კლუბთან ურთიერთობა გაუფუჭდა და წასვლა სურს. თავიდან ნეაპოლიტანელები დიდ თანხას ითხოვდნენ, მაგრამ ახლა მზად არიან, ვიქტორი €100 მილიონად (£85 მლნ/$110 მლნ) გაყიდონ. ალვარესის სანაცვლოდ აღებული ფულით, სიტის ამ ტრანსფერის განხორციელება შეუძლია.

ნიგერიელი ფეხბურთელი 25 წლისაა და სურს, ახალ კლუბში გაიბრწყინოს, თუმცა, საკითხავია, მანჩესტერ სიტი მისთვის რამდენად ხელსაყრელი ვარიანტია, რადგან გუნდში ერლინგ ჰოლანდი ირიცხება. მიუხედავად ამისა, "ქალაქელთა" რიგებში გადასვლით ოსიმენს ტიტულების მოგება შეუძლია.

კანადელი შემტევი საიმედო გამტანია: მან ლილის რიგებში ბოლო 2 სეზონში 55 გოლი გაიტანა. ფრანგული გუნდი დევიდისთვის კარგი ტრამპლინი გამოდგა, რომ ტოპ კლუბს შეუერთდეს, როგორც რაფა ლეაუსთვის, ნიკოლა პეპესთვის, სვენ ბოტმანისთვის, გაბრიელ მაგალაესისთვის, ვიქტორ ოსიმენისა და ლენინიოროსთვის.

ლილს, სავარაუდოდ, ჯონათანის მალე გაყიდვა სურს, რათა ფეხბურთელის კონტრაქტი საფინალო წლამდე არ მივიდეს, რის შემდეგაც მისი გაშვება უფრო იაფად მოუწევს.

ნიგერიელმა ბუნდესლიგის გასული სეზონის ყველა მატჩში, რომელშიც ითამაშა, ან გაიტანა, ან ასისტი მიითვალა და ლევერკუზენის საუკეთესო ბომბარდირი იყო, მიუხედავად იმისა, რომ ტრავმის გამო 3 თვეზე მეტი გაუცდა.

23 წლის ფეხბურთელის სატრანსფერო ღირებულება, დაახლოებით, £35 მილიონს ($44 მლნ) შეადგენს, რაც მისაღები ფასია. ეს ნიშნავს, რომ სიტის ალვარესის შეცვლა მრავალმხრივი, უპრეტენზიო მოთამაშით შეუძლია და თანაც, ხულიანის ტრანსფერიდან £50 მილიონამდე ($64 მლნ) დარჩება, რასაც სხვა ფეხბურთელების დასამატებლად გამოიყენებს.

ფრანგს გამოკვეთილ ცენტრფორვარდად თამაშიც შეუძლია, მაგრამ თავს ყველაზე კომფორტულად ორფორვარდიან სქემაში გრძნობს. შესაბამისად, მას ჰოლანდთან ერთად ტანდემის შექმნაც შეუძლია და, საჭიროების შემთხვევაში, მისი შეცვლაც.

ტურამი, ზემოჩამოთვლილ შემტევებთან შედარებით, ნაკლებად გამტანია, მაგრამ, სამაგიეროდ, ასისტებში ძალიან პროდუქციულია. გასულ სეზონში მარკუსის ანგარიშზე 15 გოლი და 14 საგოლე გადაცემა იყო. 27 წლის ფეხბურთელი, დაახ., £55 მილიონადაა შეფასებული ($70 მლნ), რაც ნიშნავს, რომ სიტისთვის მისი შეძენა პრობლემა არ იქნება.

როცა ალვარესის პოტენციურ შემცვლელზე ვსაუბრობთ, გამორიცხული არაა, სიტი რუბერტოზეც ფიქრობდეს, რომელიც ზუსტად იქ თამაშობს, საიდანაც ხულიანი შეიძინეს - რივერ პლეიტში. ალვარესის მსგავსად, მშობლიურ კლუბსა და არგენტინის ახალგაზრდულ ნაკრებებში აგუსტინიც შთამბეჭდავია. 

რუბერტო გასულ წელს 7 გოლით 17-წლამდელთა მსოფლიო ჩემპიონატზე საუკეთესო ბომბარდირი გახდა და მალვე რივერ პლეიტის პირველი გუნდის მაისურითაც გაიტანა.

მიუხედავად იმისა, რომ რუბერტოს ევროპის დონემდე დიდი გზა აქვს გასავლელი, მისი შეძენა ჭკვიანური ნაბიჯი იქნება. 

სიტიმ მომავალ ლიონელ მესიდ წოდებული ფეხბურთელი იანვარში შეიძინა და იჯარით რივერ პლეიტში დატოვა, როგორც ხულიან ალვარესის შემთხვევაში გააკეთა.

ეჩევერი ალვარესს ახლავე არ შეცვლის: ის 1 სეზონით ბუენოს აირესში დარჩება. თუმცა, კლაუდიოს სიტიში გადასვლამდე დიდი დრო არ რჩება. თუ არგენტინელი იმედებს გაამართლებს, მანჩესტერმა, შესაძლოა, ამ ზაფხულში ხულიანის შემცვლელზე ფული აღარ დახარჯოს.