"9 წელია დომინირებენ და ამით ყველაფერი ნათქვამია" - გატუზო იუვენტუსთან შანსებზე

თარიღი: 20 Jan 2021, 01:12

იტალიის ჩემპიონატის მომდევნო ტურში ერთმანეთს ტურინის "იუვენტუსი" და "ნაპოლი" დაუპირისპირდებიან.

მატჩის წინ კომენტარი ნეაპოლელთა მთავარმა მწვრთნელმა ჯენარო გატუზომ გააკეთა.

"იუვენტუსი სერია ა-ში უკვე 9 წელია დომინირებს და ამით ყველაფერი ნათქვამია. ისინი ყველაფრისთვის მზად არიან.

გასულ ტურში იუვემ ინტერთან წააგო, ჩვენთან კი ორმაგად მოტივირებულები გამოვლენ და დიდი ბრძოლა გველის", - განაცხადა გატუზომ.