მესი: "რას გავაკეთებ თუ მსოფლიო ჩემპიონატს ვერ მოვიგებთ?" » GOAL.GE - ფეხბურთი | fexburti

Goal.Ge

მესი: "რას გავაკეთებ თუ მსოფლიო ჩემპიონატს ვერ მოვიგებთ?"


მესი:

არგენტინის ეროვნული ნაკრების ათიანი, ლიონელ მესი, 2018 წლის მსოფლიო ჩემპიონატის ვერმოგების შემთხვევაში კარიერის დასრულების თემას გამოეხმაურა.

"თუ ჩვენ საუკეთესო ოთხეულში მოვხვდებით, ესეიგი კარგი ტურნირი ჩავატარეთ. თუმცა ამისათვის საკმაოდ ბევრი შრომა და ბრძოლა მოგვიწევს.

თუ 2018 წლის მსოფლიო ჩემპიონატს ვერ მოვიგებთ, ნაკრებიდან არ წავალ. 2016 წელს ეს მაშინვე ვინანე, როდესაც ოფიციალურად განვაცხადე. ეს ახალგაზრდებთან და ხალხთან მიმართებაში არასწორი იქნება", - აღნიშნა ლეო მესიმ.

2016 წელს არგენტინის ეროვნული გუნდი ოქროს კოპა ამერიკის ფინალში ჩილესთან პენალტების სერიით დამარცხდა. "ალბისელესტემ" მაშინ სამ წელიწადში ზედიზედ მესამე ფინალი წააგო და მესიმ საერთაშორისო კარიერის დასრულება გადაწყვიტა.

თუმცა ლიონელმა გადაწყვეტილება მალევე შეცვალა და ეროვნულ გუნდს დაახლოებით 1 კვირაში დაუბრუნდა.

არგენტინელებმა მსოფლიო თასი ბოლოს 1986 წელს მოიპოვეს და მას შემდეგ ფინალში მხოლოდ ორჯერ, 1990 და 2014 წლებში, გერმანიის ნაკრებთან დამარცხდნენ.

ასევე იხილეთ: მესი: "გავა თუ არა არგენტინა მსოფლიო ჩემპიონატის 1/2 ფინალში?"
ასევე იხილეთ თემაზე:
არგენტინის ნაკრები ლიონელ მესი

ფეხბურთის ანგარიშები იხილეთ აქ - LIVESCORE

ყველა სიახლე

კვირის ტოპ 10

ცხრილები