რამოსი პიკეს წინააღმდეგ - რა ხდება რეალურად ფეხბურთელებს შორის? » GOAL.GE - ფეხბურთი | fexburti

Goal.Ge

რამოსი პიკეს წინააღმდეგ - რა ხდება რეალურად ფეხბურთელებს შორის?


რამოსი პიკეს წინააღმდეგ - რა ხდება რეალურად ფეხბურთელებს შორის?

პროვოკაციების მოყვარულ ესპანელ ჟურნალისტებს თუ დავუჯერებთ, სერხიო რამოსსა და ჟერარდ პიკეს ძალიან ცუდი ურთიერთობა აქვთ. განსაკუთრებით გამოსარჩევია გამოცემა "AS"-ი, რომლისთვისაც "ფურია როხას" მცველების დაპირისპირება ერთ-ერთი საყვარელი თემაა.

კატალონიის დამოუკიდებლობის რეფერენდუმის შემდეგ, პრესამ საერთოდ მტრად შერაცხა პიკე, არამხოლოდ რამოსის, არამედ მთელი ესპანეთის. ეს ფაქტი არის საწყენიც და გამაღიზიანებელიც. სინამდვილეში სერხიოსა და ჟერარდს შორის კონფლიქტი არ არსებობს, ყოველ შემთხვევაში ისეთი, რომელიც გააფუჭებდა ნაკრებში არსებულ ატმოსფეროს.

რამოსი პიკეს წინააღმდეგ - რა ხდება რეალურად ფეხბურთელებს შორის?

რამოსი და პიკე ცენტრალური მცველები არიან, თუმცა მათი სათამაშო სტილი რადიკალურად განსხვავდება ერთმანეთისგან. ალბათ დაგვეთანხმებით, რომ სწორედ ამ თემის გარჩევა უფრო საინტერესოა, ვიდრე ის, თუ ვინ ვის არ ეხატება გულზე.

"AS"-ის პროვოკაციული ინსაიდის შემდეგ, ასპარეზზე გამოვიდა უფრო ავტორიტეტული "Marca", რომელმაც საბოლოოდ დაასამარა ჭორები კონფლიქტის შესახებ. უახლოეს მომავალში სერხიო და ჟერარდი ერთობლივი ბიზნესის წამოწყებას აპირებენ, ესპანელებს სურთ საკუთარი სპორტული ვებ-გვერდის გახსნა.

რამოსი პიკეს წინააღმდეგ - რა ხდება რეალურად ფეხბურთელებს შორის?

რამოსსა და პიკეს არასდროს ჰქონიათ უთანხმოება მოედნის მიღმა. შეგვიძლია გავიხსენოთ განვლილი ელ კლასიკოების რამდენიმე ეპიზოდი, თუმცა იმ მატჩებში დაძაბულობა ხომ პიკს აღწევს.

რამოსი პიკეს წინააღმდეგ - რა ხდება რეალურად ფეხბურთელებს შორის?

გასულ აგვისტოს მადრიდის "რეალის" კაპიტანი ყველანაირად დაუდგა გვერდში თავის კატალონიელ კოლეგას. სერხიომ თავშეკავებისკენ მოუწოდა გულშემატკივრებს:

"პატივი ეცით პიკეს იმის გამო, რომ მას ძალიან დიდი სარგებელი მოაქვს ნაკრებისა და თავისი გუნდისთვის. არ აქვს მნიშვნელობა თუ როგორი პოლიტიკური შეხედულებები აქვს ჟერარდს, ის თავის საქმეს უმაღლეს დონეზე ასრულებს,"

"ჩვენ ძალიან კარგად ვუგებთ ერთმანეთს, როგორც მოედანზე, ისე მის გარეთაც. რაც მთავარია ჩვენს შორის ურთიერთპატივისცემა სუფევს. ორივემ კარგად ვიცით, რომ უკვე დიდი ხანია, რაც მსოფლიოს ერთ-ერთ საუკეთესო ცენტრალური მცველების დუეტს ვქმნით,"

რამოსი პიკეს წინააღმდეგ - რა ხდება რეალურად ფეხბურთელებს შორის?

უარყოფითი დამოკიდებულება არც პიკეს მხრიდან შეინიშნება. სწორედ ჟერარდმა შექმნა ის ცნობილი ჩატი "WhatsApp"-ში, სადაც გაწევრიანებულები არიან "რეალისა" და "ბარსელონას" მოთამაშეები. ისინი მუდამ ხუმრობენ ერთმანეთში, უზიარებენ სხვადასხვა ინფორმაციასა და წიგნებსაც კი.

რამოსი პიკეს წინააღმდეგ - რა ხდება რეალურად ფეხბურთელებს შორის?

ყველაზე მთავარი ის არის, რომ რამოსი და პიკე კონკურენტები არ არიან. პირიქით, ესპანეთის ნაკრებში ისინი იდეალურად ავსებენ ერთმანეთს. სერხიო უფრო მოწინააღმედეგეზეა კონცენტრირებული, ჟერარდი კი აზღვევს თავის პარტნიორს და არეგულირებს თამაშგარეს ხაზს.

"რეალი", "ბარსელონა" და ესპანეთის ნაკრები არასდროს ცვლის ტაქტიკას იმის მიხედვით თუ ვინ არის მეტოქე. რამოსი და პიკე უკვე დიდი ხანია, რაც ერთი და იგივეს აკეთებენ, სტაბილურად და თითქმის უშეცდომოდ.

რამოსი პიკეს წინააღმდეგ - რა ხდება რეალურად ფეხბურთელებს შორის?

ორი მცველის თამაშის მანერას შორის კიდევ ერთ სხვაობას ვხედავთ. სერხიოს ახასიათებს სიხისტე, ჟერარდს ეს ნაკლებად ეხება. ცნობისთვის უკანასკნელ 9 სეზონში რამოსმა მიიღო 117 ყვითელი და 13 წითელი ბარათი, პიკემ კი 84 ყვითელი და მხოლოდ 6 წითელი.

ორივე ცენტრალური მცველი სხვადასხვანაირად ახდენს გავლენას გუნდის შეტევაზე, თუმცა პრინციპი ერთია - სტანდარტების გამოყენება. "რეალის" კაპიტნის შეტევაში ჩართვა უკვე საკულტო მოვლენად იქცა, ყველამ კარგად იცის თუ როგორი სახიფათოა რამოსი შეხვედრის ბოლო წუთებზე.

რამოსი პიკეს წინააღმდეგ - რა ხდება რეალურად ფეხბურთელებს შორის?

რაც შეეხება პიკეს, მასაც ძალიან კარგად ეხერხება კუთხურისგან ან ჯარიმისგან გოლის გამოძერწვა, ბოლოს და ბოლოს ჟერარდი ყველაზე მაღალი ფეხბურთელია "ბარსელონაში", თუმცა ესპანელი არც თამაშიდან შეგდებაზე ამბობს უარს.

როდესაც "ბლაუგრანას" სასწრაფოდ სჭირდება გოლის გატანა პიკე იწევს მაღლა და რჩება იმ დრომდე, სანამ არ მიაღწევს საწადელს. გავიხსენოთ თუნდაც ჩემპიონთა ლიგის 1/2 ფინალი მილანის "ინტერის" წინააღმდეგ. "ნერიაძურის" კატენაჩოს მიუხედავად, ჟერარდმა მაინც მოახერხა ჟულიო სეზარის კარის აღება.

რამოსი პიკეს წინააღმდეგ - რა ხდება რეალურად ფეხბურთელებს შორის?

საიმედოობა, წინდახედულობა, სტაბილურობა და მრავალფეროვნება - სწორედ ამ ფაქტორებმა განაპირობეს რამოსი-პიკეს დუეტის წარმატებულობა. ვნახოთ, რით გაგვაოცებენ ესპანელები ამჯერად უკვე 2018 წლის მსოფლიო ჩემპიონატზე.

რამოსი პიკეს წინააღმდეგ - რა ხდება რეალურად ფეხბურთელებს შორის?

ფეხბურთის ანგარიშები იხილეთ აქ - LIVESCORE

ყველა სიახლე

კვირის ტოპ 10

ცხრილები