ურუგვაის ნაკრების მეკარეს მსოფლიო ჩემპიონატის გამოტოვება ემუქრება

ურუგვაის ეროვნული ნაკრების გამოცდილი მეკარე, ფერნანდო მუსლერა, შესაძლოა რუსეთში ვერ გაემგზავროს.

ბოლო ინფორმაციით, 31 წლის სამხრეთ ამერიკელმა ეროვნული გუნდის ბოლო ვარჯიშზე ხელის სერიოზული ტრავმა მიიღო და რენტგენი უნდა გადაიღოს.

არის საშიშროება, რომ მუსლერამ 2018 წლის რუსეთის მუნდიალი მთლიანად გამოტოვოს.

ფერნანდო მუსლერა ურუგვაის ნაკრების კარს 2009 წლიდან იცავს და ორ მსოფლიო ჩემპიონატზე აქვს ნათამაშები.