ეროვნული ლიგა - მე-14 ტურის სიმბოლური გუნდი GOAL.GE-ს ვერსიით » GOAL.GE - ფეხბურთი | fexburti

Goal.Ge

ეროვნული ლიგა - მე-14 ტურის სიმბოლური გუნდი GOAL.GE-ს ვერსიით


ეროვნული ლიგა - მე-14 ტურის სიმბოლური გუნდი GOAL.GE-ს ვერსიით

ეროვნული ლიგის მე-14 ტური დასრულდა, სადაც ძალიან საინტერესო და დაძაბული მატჩები გაიმართა.

განსაკუთრებით დაძაბული თბილისური დერბი იყო. "ლოკომოტივი" "საბურთალოს" მატჩი 1:1 დასრულდა.

GOAL.GE გთავაზობთ მე-14 ტურის საუკეთესო ფეხბურთელებისგან შემდგარ სიმბოლურ გუნდს.

ლუკა შეროზია (ლოკომოტივი): "საბურთალოსთან" მარცხს შეროზიამ "ლოკომოტივი" რამდენჯერმე გადაარჩინა. მან კარგი ბურთები მოიგერია, განსაკუთრებით მეორე ტაიმში, სადაც ტურის სეივიც გააკეთა.

ლევან ქურდაძე (ლოკომოტივი): ამ ფეხბურთელმა ძირითად შემადგენლობაში თავისი შანსი იდეალურად გამოიყენა. ქურდაძე საუკეთესო იყო როგორც ორთაბრძოლებში, ისე პოზიციურად თამაშში.

ალექსანდრე გურეშიძე (სიონი): ბოლნისელთა მცველმა თავდამსხმელის ფუნქცია კიდევ ერთხელ შეითავსა და გოლი კვლავ გაიტანა. მიუხედავად 2 გაშვებული გოლისა, გურეშიძე დაცვაშიც ნორმალურად იდგა.

ლუკა ლოჩოშვილი (დინამო): თბილისურ გუნდში ახლადდაბრუნებული ლოჩოშვილი ფორმაშია. "ჩიხურასთან" მატჩში ის გაუვალი იყო და ძალიან კარგად კითხულობდა თამაშის ყველა ეპიზოდს.

გიორგი კორიფაძე (დილა): გარდა ლამაზი გატანილი გოლისა, კორიფაძეს მარცხენა ფლანგი ეჭირა და დომინირებდა. ბოლო წუთებზე მან კარგი სოლორეიდი და გოლი შემოგვთავაზა.

ლევან ნონიკაშვილი (დილა): გორელთა კიდევ ერთი ფეხბურთელი ლევან ნონიკაშვილი "კოლხეთთან" ერთ-ერთი საუკეთესო იყო. პირველ გოლშიც მან უდიდესი წვლილი შეიტანა და კოვტალიუკს გაატანინა.

მერაბ გიგაური (ტორპედო): ქუთაისურმა კლუბმა "სამტრედია" სტუმრად უმარტივესად დაამარცხა. "ტორპედოს" ნახევარმცველი მერაბ გიგაური კი ნახევარდაცვის ხაზში კარგად იდგა და პირველი გოლი სწორედ მან გაიტანა.

გრიგოლ დოლიძე (ტორპედო): შეიძლება თამამად ითქვას, რომ ამ უხვგოლიანი დაპირისპირების საუკეთესო მოთამაშე დოლიძე იყო. ვეტერანმა ფეხბურთელმა თამაში ბევრჯერ გაამწვავა, გოლი გაიტანა და საგოლე გადაცემაც ჩაიწერა აქტივში.

ლუკა კიკაბიძე (ლოკომოტივი): როდესაც "საბურთალო" წინ იყო, "ლოკომოტივი" შეტევაში გააქტიურდა. კიკაბიძე ცენტრში ჭკვიანურად თამაშობდა. ერთ-ერთ ეპიზოდში კი კარგად გაიქცა, მეკარეს და მცველებს შანსი არ დაუტოვა და ლამაზი გოლი გაიტანა.

ვაგნერ გონსალვეში (საბურთალო): საბურთალოელთა რიგებში საუკეთესო ვაგნერი იყო, რომელიც ტრადიციულად აქტიური იყო და გოლის გატანას ცდილობდა, რაც გამოუვიდა. თავისივე მოპოვებული პენალტი ვაგნერმა ზუსტად შეასრულა.

ზაზა ციცქიშვილი (რუსთავი): "სიონთან" შეხვედრაში ციცქიშვილმა ძალიან კარგი მატჩი ჩაატარა. "რუსთავმა" 2 გოლი გაიტანა და ორივე გოლი სწორედ ციცქიშვილის ანგარიშზეა.

ეროვნული ლიგა - მე-14 ტურის სიმბოლური გუნდი GOAL.GE-ს ვერსიით

ეროვნული ლიგა - მე-14 ტურის სიმბოლური გუნდი GOAL.GE-ს ვერსიით

ფეხბურთის ანგარიშები იხილეთ აქ - LIVESCORE

ყველა სიახლე

ცხრილები