როგორ დატროლა იუვენტუსმა რონალდუს ტრანსფერით ინტერი და ნაინგოლანი? » GOAL.GE - ფეხბურთი | fexburti

Goal.Ge

როგორ დატროლა იუვენტუსმა რონალდუს ტრანსფერით ინტერი და ნაინგოლანი?


როგორ დატროლა იუვენტუსმა რონალდუს ტრანსფერით ინტერი და ნაინგოლანი?

კრიშტიანუ რონალდუს ტრანსფერის შემდეგ ტურინის "იუვენტუსი" საფეხბურთო სამყაროს ყურადღების ცენტრშია. "ბებერი ქალბატონი" დიდი ენთუზიაზმით იყენებს კლუბის გარშემო არსებულ ჰაიპს - "ბიანკონერიმ" ტროლინგისთვისაც კი გამონახა დრო.

როგორ დატროლა იუვენტუსმა რონალდუს ტრანსფერით ინტერი და ნაინგოლანი?

ტურინული ხუმრობის ადრესატი გამოდგა მილანის "ინტერი", რომელიც აბსოლიტურად ყველა სფეროში ცდილობს "იუვეს" დაჩრდილვას, მათ შორის მარკეტინგშიც. საიდან დაიწყო ეს ისტორია? ამის შესახებ დაწვრილებით.

"ბებერი ქალბატონის" იუთუბ-არხი უკვე დიდი ხანია, რაც ხარისხიანი ვიდეოებით ანებივრებს კლუბის გულშემატკივრებს. "ბიანკონერის" გვერდზე თქვენ შეგიძლიათ იხილოთ სხვადასხვა პრომო-რგოლები სერია ა-სა და ჩემპიონთა ლიგის მატჩების შესახებ.

როგორ დატროლა იუვენტუსმა რონალდუს ტრანსფერით ინტერი და ნაინგოლანი?

ამის გარდა "იუვეს" არხზე არის გუნდის ლეგენდებისთვის მიძღვნილი ვიდეო-კოლაჟები და კიდევ ბევრი სხვა საინტერესო რამ, თუმცა ყველაზე განსაკუთრებული ადგილი მაინც სატრანსფერო კონტენტს უკავია.

მიმდინარე ზაფხულს ტურინელებმა რონალდუს გარდა შეიძინეს კიდევ 3 ფეხბურთელი - მატია პერინი, ემრე ჯანი და ჟოაო კანსელო. სამივე მათგანს მიეძღვნა ვიდეო, თუმცა თავისი დინამიურობითა და პოპულარობით ვერცერთი ვერ შეედრება კრიშტიანუს შესახებ გადაღებულ კლიპს.

რონალდუს პრომო-ვიდეო



ვიდეო მართლაც ხარისხიანი და ეპიკურია, მაგრამ ისმის კითხვა - რა შუაშია ამ ყველაფერთან "ინტერი"? პასუხი - 26 ივნისს "ნერიაძურიმ" განახორციელა 2018 წლის ზაფხულის ერთ-ერთი ყველაზე ხმაურიანი ტრანსფერი - რაჯა ნაინგოლანი.

გარიგების შემდეგ მილანური კლუბის გულშემატკივრებში დაისადგურა ეიფორიამ და ამას ლოგიკური მიზეზიც ჰქონდა - ბელგიელი ტოპ-კლასის მოთამაშეა, რომელმაც თავისი ხუთი თითივით იცის სერია ა.

როგორ დატროლა იუვენტუსმა რონალდუს ტრანსფერით ინტერი და ნაინგოლანი?

რაჯას გადმობარგების მერე ასპარეზზე გამოვიდა "ინტერის" იუთუბ-არხი, სადაც დაიდო ახალწვეულისთვის მიძღვნილი საკმაოდ ლამაზი და მასშტაბური ვიდეო, თავად ნაინგოლანის მონაწილეობით.

ნაინგოლანის პრომო-ვიდეო



აღნიშნულ ვიდეო-რგოლში ისმის ზუსტად ის მუსიკა, რაც რონალდუს კლიპში, უფრო სწორედ პირიქით. ეს არ არის დამთხვევა, "იუვენტუსმა" საკმაოდ ეფექტურ სტილში უპასუხა მოსისხლე მტრების ბანაკს.

ორივე კლუბის გულშემატკივრებმა მომენტალურად გაშიფრეს "ბებერი ქალბატონის" ვიდეოს მესიჯი: "თქვენ გგონიათ ეს არის ტოპ-ტრანსფერი? არა, ასე გამოიყურება ნამდვილი ტოპ-ტრანსფერი!"

როგორ დატროლა იუვენტუსმა რონალდუს ტრანსფერით ინტერი და ნაინგოლანი?

"ბიანკონერის" არ დაუცინია "ნერიაძურისთვის" და არც უკბილო იუმორს ჰქონია ადგილი, ტურინელებმა უბრალოდ ეპიკურ სტილში დატროლეს კონკურენტები. კალჩოს მაყურებლებს ძალიან მოეწონათ ეს პატარა ვიდეო-ომი. იტალიაში ხუმრობენ, რომ "იუვე"-"ინტერის" დაპირისპირებამ უკვე იუთუბზეც შეაღწია.

ფეხბურთის ანგარიშები იხილეთ აქ - LIVESCORE

ყველა სიახლე

კვირის ტოპ 10

ცხრილები