კიევოსთან მატჩის შემდეგ დიბალამ ბოდიში საჯაროდ მოიხადა » GOAL.GE - ფეხბურთი | fexburti

Goal.Ge

კიევოსთან მატჩის შემდეგ დიბალამ ბოდიში საჯაროდ მოიხადა


კიევოსთან მატჩის შემდეგ დიბალამ ბოდიში საჯაროდ მოიხადა

მოგეხსენებათ, მიმდინარე უქმეებზე სერია ა-ს მორიგი გათამაშება დაიწყო და პირველ ტურში "იუვენტუსი" "კიევოს" ესტუმრა. ამ შეხვედრამ მთელი საფეხბურთო სამყაროს ყურადღება მიიპყრო, რადგან ყველა კრიშტიანუ რონალდუს დებიუტს ელოდა. თუმცა, პორტუგალიელი ამ მატჩში არა გოლით, არამედ მეტოქე გუნდის მეკარესთან უხეში შეტაკებით გამოირჩა.

სწორედ ამ შეტაკების შემდეგ, როდესაც "კიევოს" მეკარე უგონოდ იმყოფებოდა, პაულო დიბალამ ბურთი კარში გადაგზავნა და წინ გასვლა თანაგუნდელებთან ერთად იზეიმა. მსაჯმა გოლი არ ჩათვალა, მატჩის შემდეგ კი არგენტინელი ფეხბურთელის სოციალურ ქსელს უკმაყოფილო გულშემატკივრები შეესივნენ, რომლებიც დიბალას გოლის აღნიშვნის გამო ადანაშაულებდნენ.

"იუვენტუსის" "ათიანმა" საკუთარი შეცდომა მალევე გაიაზრა და საჯარო ბოდიშიც მოიხადა: "მართალი არ ვიყავი! უბრალოდ, მოედანზე მომხდარი ამბები სწრაფად ვერ გავიაზრე."- ციტირებს არგენტინელის სიტყვებს Football Italia.

აქვე გეტყვით, რომ მატჩის დასრულების შემდეგ, "კიევოს" დაზიანებულ მეკარეს, სტეფანო სორენტინოს, ექიმებმა ცხვირის მოტეხილობა აღმოუჩინეს და არ გამორიცხეს, რომ შესაძლოა, 39 წლის მეკარეს თავის ტრავმაც ჰქონდეს.

აღსანიშნავია, რომ დიბალას გაუქმებული გოლის მიუხედავად, "იუვენტუსმა" კომპენსირებულ დროში წინ გასვლა მაინც მოახერხა და სერია ა საკმაოდ მძიმე გამარჯვებით დაიწყო.

ფეხბურთის ანგარიშები იხილეთ აქ - LIVESCORE

ყველა სიახლე

კვირის ტოპ 10

ცხრილები