რეიტინგი განახლდა: რომელ ადგილზე გადაინაცვლა საქართველოს ნაკრებმა ერთა ლიგის შემდეგ?

ფიფას ოფიციალური გვერდი განახლებულ სანაკრებო რეიტინგს გვთავაზობს, სადაც რამდენიმე ცვლილებაა.

მოგეხსენებათ, სექტემბრის თვეში, საქართველოს ნაკრებმა ერთა ლიგაზე ორი მატჩი გამართა და ორივე მოიგო.

ვლადიმირ ვაისის გუნდი ჯერ ყაზახეთს ესტუმრა და 0:2 დაამარცხა, შემდეგ კი შინ "ლატვიას" 1:0 სძლია.

შესაბამისად, გასაკვირი არაა, რომ ახალ რეიტინგში საქართველომ სამი საფეხურით წინ წაიწია.

ერთი თვის წინ, ჩვენი ნაკრები 96-ე პოზიციას იკავებდა, ამჟამად კი 93-ე ადგილზეა.

ოქტომბრის თვეში საქართველო ერთა ლიგის კიდევ ორ მატჩს გამართავს - ანდორასთან შინ და ლატვიასთან სტუმრად.