აარონ რემზი კარდიფის მოთამაშე-მწვრთნელი გახდა

უელსელი ფეხბურთელი, აარონ რემზი, რომელიც მშობლიურ კარდიფში თამაშობს, ამავე კლუბის დროებით მწვრთნელადაც დაინიშნა.

უელსურმა კლუბმა ომერ რიზა დაკავებული თანამდებობიდან გაათავისუფლა, ჩემპიონშიფის დარჩენილ მატჩებში კი გუნდს სწორედ რემზი უხელმძღვანელებს.

აარონმა კარიერის უდიდესი ნაწილი არსენალში გაატარა. ინგლისური კლუბის დატოვების შემდეგ, მან იუვენტუსში, რეინჯერსსა და ნიცაშიც ითამაშა, 2023 წელს კი კარდიფში დაბრუნდა.