აბდუკოდირ ხუსანოვი: რა უნდა ვიცოდეთ ახალგაზრდა უზბეკზე

ამის გარდა ხუსანოვის ერთ-ერთი მთავარი პლიუსი უბურთოდ თამაშია, აბდული საოცრად ჭკვიანი მცველია და მეტოქე გუნდის შეტევების წაკითხვა მარტივად შეუძლია. ახალგაზრდა მცველმა ფართო საზოგადოებას U20 წლამდელთა მსოფლიოს ჩემპიონატზე დაამახსოვრა თავი, იქ ხუსანოვმა კარგი მატჩები ჩაატარა. იმ პერიოდში ფეხბურთელი ჯერ კიდევ ბელორუსული, ენერგეტიკის ღირსებას იცავდა. ჩემპიონატზე ის და მისი ნაკრები საკმაოდ შორს გავიდნენ და ლანსის სკაუტებს ხუსანოვის ხელიდან გაშვება არ სურდათ. ფეხბურთელი 450.000 ევროდ იყიდეს, ახლა კი უზბეკში 40 მილიონია გადახდილი.

 

საფრანგეთის ჩემპიონატში, ხუსანოვი სწრაფადვე გახდა ჩემპიონატის აღმოჩენა და ლანსის ძირითადში ადგილი მალევე დაიმკვიდრა. უზბეკ ფეხბურთელს დიდად არ უყვარს ბურთით თამაში, მისთვის უფრო კომფორტულია უბურთოდ ასპარეზობა და თამაშის წაკითხვა, მაგრამ სიტიში მას ბევრად ხშირად მოუწევს ბურთით თამაში და ამის მისაჩვევად დრო დასჭირდება. ჯამში ხუსანოვი საკმაოდ სანდოა, მისი პასების სიზუსტე 89% უდრის, რაც კარგი მაჩვენებელია. ხუსანოვი საოცრად ათლეტურია და მეტოქეებს მის წინააღმდეგ თამაში საოცრად უჭირთ - ჩაჭრაში და ბურთის გამოტანაშიც უზბეკი მოწინავე პოზიციაზეა ლიგა 1-ში. ის მუდამ შემტევის გვერდით მოძრაობს და არ აძლევს მეტოქეებს დიდ სივრცეს, რითაც შემდგომ ბურთს ართმევს, თან ფეხბურთელს საოცარი ბურთის გრძნობა აქვს და ვარდნებს ძალიან მაღალ დონეზე ასრულებს, რაღაც მომენტში ალესანდრო ნესტა გეგონება. 

პრობლემები, რომლებიც სიტიში გადასვლასთან არის დაკავშირებული. ხუსანოვის თანაგუნდელები ამბობენ, რომ უზბეკს ენობრივი ბარიერი ჰქონდა და ის ფაქტობრივად არ საუბრობდა ფრანგულ ენაზე. ეს პრობლემა ინგლისშიც იქნება, თან ის უნდა გავიხსენოთ, რომ გვარდიოლას გუნდში არის კანონი, ყველა საუბრობს ინგლისურად სხვა ენაზე საუბარი, ვარჯიშის ან შეკრების დროს იკრძალება. 

პრემიერ ლიგის ისტორიაში აბდულკოდირ ხუსანოვი პირველი უზბეკი ფეხბურთელი იქნება. ისიც უნდა გავიხსენოთ, რომ ხუსანოვზე ძვირადღირებული ტრანსფერო მხოლოდ პსჟ-მ შეათანხმა და ეს მოთამაშე ხვიჩა კვარაცხელიაა.