აბურჯანიათი ინგლისის 6-გზის ჩემპიონი დაინტერესდა

საქართველოს ეროვნული ნაკრების ცენტრალური ნახევარმცველი, გიორგი აბურჯანია ახალი გუნდის ძიებაშია. ქართველ ჰავბეკს აქვს რამდენიმე შემოთავაზება ესპანეთის ლიგა 2-დან, ისრაელიდან და კვიპროსიდან.

Roker Report-ის თანახმად, "სევილიას" ყოფილი შუახაზელით დაინტერესდნენ ინგლისშიც, კერძოდ კი მესამე ლიგის ბინადარ "სანდერლენდში".

იგივე წყაროს მტკიცებით, "შავ კატებში" გადასვლის წინააღმდეგი არც თავად 26-წლის ნახევარმცველია. ცნობილია, რომ აბურჯანიას პოზიციაზე "თეთრ-წითლებს" ახლა არავინ ჰყავთ.

რა ვიცით ტაინ-ენდ-უირელების შესახებ? აღნიშნული გუნდი არის ინგლისის ექვსგზის ჩემპიონი (1892, 1893, 1895, 1902, 1913, 1936).

"სთეიდიუმ ოფ ლაითზე" სხვადასხვა დროს უთამაშიათ ისეთ ფეხბურთელებს, როგორებიც არიან კევინ ფილიპსი, ჯერმეინ დეფო, ჯიბრილ სისე, ასამოა გიანი და ელ-ჰაჯი დიუფი.

რაც შეეხება ქართველ ჰავბეკს, მისი უკანასკნელი კლუბი იყო "კარტახენა", რომელთანაც თანამშრომლობის გაგრძელება მან არ ისურვა.

უარი კვიპროსის, ისრაელის და ესპანეთის გუნდებს - აბურჯანიას მომავალი მალე გაირკვევა

ლორიამ კინაღამ აჯობა - გავიხსენოთ კრისტიან ერიქსენის გოლი საქართველოს კარში