"ადაპტაციისთვის დრო სჭირდება" | ლუის ენრიკემ კვარაცხელიაზე ისაუბრა

"ხვიჩათი ძალიან კმაყოფილი ვარ. ცხადია, მას ადაპტაციისთვის დრო სჭირდება. კვარაცხელიას ქმედებებითა და ვარჯიშით ძალიან ბედნიერი ვარ. ის გუნდის მომავალია. არ ვჩქარობ," — ლუის ენრიკე.

ამ დრომდე, კვარამ პსჟ-ის რიგებში 6 მატჩი ჩაატარა, 1 გოლი გაიტანა და ამდენივე ასისტი მიითვალა. ესპანელი მწვრთნელი მას სხვადასხვა პოზიციაზე ათამაშებს და იდეალური ვარიანტის პოვნას ცდილობს.

პარიზული გუნდი ხვალ, პარკ დე პრენსზე, ჩემპიონთა ლიგის პლეიოფის განმეორებით მატჩში, ბრეტს დაუპირისპირდება. პარი სენ-ჟერმენს პირველი შეხვედრა 3-0 აქვს მოგებული, შესაბამისად, მისი 1/8-ფინალში გასვლა, პრაქტიკულად, გადაწყვეტილია.