ავტორიზაცია
აფრიკის თასის საუკეთესო ფეხბურთელი, გოლკიპერი და ბომბარდირი — ჯილდოების მფლობელები გამოვლინდნენ
ცნობილი გახდა სენეგალის ნაკრების ტრიუმფით დასრულებულ აფრიკის თასზე ინდივიდუალური ჯილდოების მფლობელები.
ასე და ამგვარად, ტურნირის საუკეთესო ფეხბურთელად სადიო მანე დასახელდა, რომელმაც ფინალში ეგვიპტესთან (0:0, 4:2 პენალტების სერიაში) გამართულ მატჩში გადამწყვეტი პენალტი გამოიყენა.
საერთო ჯამში, "ლივერპულის" 29 წლის შემტევმა აფრიკის თასზე 5 მატჩში მიიღო მონაწილეობა, 3 გოლი გაიტანა და 2 შედეგიანი გადაცემა გააკეთა.
საუკეთესო მეკარედ სენეგალელი ედუარ მენდი დასახელდა, ეგვიპტესთან პენალტების სერიაში მან ერთი დარტყმა მოიგერია. "ჩელსის" გოლკიპერის აქტივში ტურნირზე ჩატარებული 5 შეხვედრაა და კარი მშრალად 3-ჯერ შეინახა.
აღსანიშნავია, რომ აფრიკის თასის საუკეთესო ბომბარდირი 8 გატანილი გოლით კამერუნის ნაკრების ფორვარდი, ვენსან აბუბაქარი გახდა.
