ავტორიზაცია
აიაქსი ძველ ლოგოს აბრუნებს
2025 წლის ივლისიდან აიაქსი ლოგოს იცვლის - კლუბის 125-ე იუბილის აღსანიშნავად, ნიდერლანდელებმა გადაწყვიტეს, ის ლოგო დააბრუნონ, რომელსაც 1928-1990 წლებში ატარებდნენ.
აიაქსი თანამედროვე, მარტივ ლოგოზე უარს ამბობს და უფრო დეტალურ, კომპლექსურ ლოგოს აბრუნებს.
"18 მარტს კლუბის 125-ე წლისთავს აღვნიშნავთ. ვიცით, რომ წლების განმავლობაში ჩვენი ქომაგები ამ სურვილს გამოხატავდნენ და ვფიქრობთ, რომ ეს კლასიკური ლოგოს დასაბრუნებლად იდეალური მომენტია.
ისტორია აჩვენებს, რომ საუკეთესო პერიოდი მაშინ გვაქვს, როცა აიაქსის დნმ-ს მივყვებით. სწორედ ამიტომ, ყველაფერს, რასაც ვაკეთებთ, ჩვენი დნმ-სკენაა მიმართული."
აღნიშნული ლოგო გუშინ, 17 ნოემბერს, აიაქსის ლეგენდებისა და რეალს ლეგენდების მატჩში წარადგინეს. აღსანიშნავია, რომ ამ შეხვედრაში შოთა არველაძემ იკერ კასილიასს გაუტანა.
Ajax Amsterdam, je bent nog net als toen. pic.twitter.com/detN6KoSyk
— AFC Ajax (@AFCAjax) November 17, 2024
