ავტორიზაცია
აინტრახტის კაპიტანი: "10 წლის წინ ჩვენი გუნდი მე-2 ბუნდესლიგაში იყო, ახლა კი ევროპა ლიგის 1/2 ფინალშია"
ფრანკფურტის "აინტრახტის" კაპიტანმა, სებასტიან როდემ ევროპა ლიგის ნახევარფინალში გასვლაზე კომენტარი გააკეთა.
გერმანული კლუბის ნახევარმცველმა "ბარსელონასთან" (3:2, პირველი მატჩი - 1:1) მოგებული საპასუხო 1/4 ფინალური მატჩის შემდეგ ისაუბრა.
"წარმოუდგენლად ბედნიერი ვარ. ბრწყინვალე მატჩი ჩავატარეთ. როცა გახურების დროს ჩვენი გულშემატკივრები დავინახეთ, ტანში ჟრუანტელმა დაგვიარა".
"ათი წლის წინ მეორე ბუნდესლიგაში ვთამაშობდით, ახლა კი ევროპა ლიგის ნახევარფინალში მეორედ გავედით".
"შეძლებისდაგვარად ვცდილობდით მეტოქის თითოეული ფეხბურთელი რამდენიმე მოთამაშით დაგვეკეტა და დაცვიდან თავდასხმაში სწრაფად გადავსულიყავით", - ციტირებს როდეს სიტყვებს უეფას ოფიციალური საიტი.
