ახალი მწვრთნელი, ახალი სახეები - ოქრიაშვილით პანათინაიკოსი დაინტერესდა!
ახალი ამბავი არ არის, რომ თორნიკე ოქრიაშვილი ფამაგუსტას "ანორთოსისის" დატოვებასთან ძალიან ახლოს იმყოფება.
ქართველ შემტევს აქვს რამდენიმე ვარიანტი და ბერძნული In.gr-ის ინფორმაციით, ერთ-ერთი ასეთი "პანათინაიკოსში" გადასვლა არის.
საქმე ისაა, რომ ათენურ გუნდს ჰყავს ახალი მთავარი მწვრთნელი, ივან იოვანოვიჩი, რომლის მიზანი თავისი კოლექტივის გამოცდილი ფეხბურთელებით შევსებაა.
სერბი დამრიგებლის სამწვრთნელო შტაბი "მწვანეების" პოტენციურ ახალწვეულად სწორედ კვიპროსელთა თავდამსხმელს განიხილავს.
შეგახსენებთ, თემურ ქეცბაიას გუნდის ათიანი კვიპროსში თამაშობს 2019 წლიდან და ამ დროის განმავლობაში მან ჩაატარა 35 მატჩი და გაიტანა 12 გოლი.
თავად 29-წლის ფორვარდის განცხადებით, მას აქვს კარიერის გაგრძელების რამდენიმე ვარიანტი, მათ შორის რუსეთსა და აზიის ქვეყნებში.
ერთ-ერთი ყველაზე უხერხული მეტოქე - საქართველოსა და რუმინეთის ურთიერთშეხვედრების ისტორია
"მითხრა, გპირდებიო!" - რა საუბარი შედგა ოქრიაშვილსა და ანორთოსისის პრეზიდენტს შორის?
