ახალი წესი ჩემპიონთა ლიგაზე — საკითხი უკვე განიხილება

Guardian-ის ინფორმაციით, UEFA ჩემპიონთა ლიგის პლეი-ოფში დამატებითი დროის გაუქმებას განიხილავს, რათა სათამაშო წუთები შეამციროს.

ეს ნიშნავს, რომ თუ ორი მატჩის ჯამში ანგარიში თანაბარი იქნება, პირდაპირ პენალტების სერია დაიწყება. აღნიშნული წესის შემოღება იმას შეუწყობს ხელს, რომ თანამედროვე გრაფიკის გამო ფეხბურთელები ძალიან გადატვირთულნი არიან. 

თუმცა, ისიც უნდა აღინიშნოს, რომ ნაკლებად სავარაუდოა, ეს ცვლილება 2027 წლამდე განხორციელდეს, რადგან გასათვალისწინებელია ის კომპანიებიც, რომლებიც სატელევიზიო უფლებებს ფლობენ.

წყაროს ცნობით, ზემოხსენებული საკითხი არაფორმალურად იყო დაყენებული, რადგან ნებისმიერი ცვლილება UEFA-ს აღმასრულებელი კომიტეტის მიერ უნდა იყოს რატიფიცირებული - მისი ბოლო მნიშვნელოვანი ცვლილება გასვლაზე გატანილი გოლის უპირატესობის წესის გაუქმებაა (2021 წელს).