ალ ჰილალი საკლუბო მსოფლიო ჩემპიონატს გამოეთიშა

ფიფას საკლუბო მსოფლიო ჩემპიონატის 1/4 ფინალში ბრაზილიურმა ფლუმინენზემ ალ ჰილალი დაამარცხა და ნახევარფინალის საგზური მოიპოვა.

მატჩის ანგარიში ფლუმინენზეს 8-მა ნომერმა, მარტინელიმ გახსნა. პირველი ტაიმი ბრაზილიური კლუბის გამარჯვებით დასრულდა.
მეორე ნახევარში ალ ჰილალმა ანგარიში 51-ე წუთზე გაათანაბრა, თუმცა შეხვედრის ბედი 70-ე წუთზე გადაწყდა — გამარჯვების მომტანი გოლი ჰერკულესმა გაიტანა და ფლუმინენზეს შემდეგ ეტაპზე გაიყვანა.