"ალ-ხელაიფს ჩემზე მეტად ჩემი ცოლი მოსწონდა" - პსჟ-ის ყოფილი ფეხბურთელი

რეალ მადრიდის ყოფილმა ფეხბურთელმა, ხესე როდრიგესმა სკანდალური განცხადება გააკეთა.

2016 წელს პარი სენ-ჟერმენმა ესპანელი შემტევი £21 მილიონად შეიძინა და 5-წლიანი კონტრაქტი გაუფორმა, თუმცა მისი პარიზული კარიერა წარმატებული არ გამოდგა - ფეხბურთელმა მხოლოდ 18 მატჩი ჩაატარა.

Mowlihawk-თან ინტერვიუში ხესემ სწორედ პსჟ-ში გატარებული პერიოდი გაიხსენა: "თავდაპირველად, ყველაფერი კარგად იყო, მაგრამ შემდეგ ჯანმრთელობის პრობლემების გამო თვეების განმავლობაში უქმობა მომიწია და გუნდში ადგილი დავკარგე. მითხრეს, რომ ზამთარში იჯარით უნდა წავსულიყავი. იმედგაცრუებული ვიყავი, რაც უნაი ემერის ვუთხარი. პრეზიდენტ ნასერ ალ-ხელაიფს ჩემთან შეხვედრაც კი არ სურდა - მას ჩემზე მეტად ჩემი ცოლი მოსწონდა."

ხესეს მეუღლე, აურა რუისი ცნობილი ესპანელი ინფლუენსერი და პოპულარული რეალითი შოუს - Supervivientes-ის ყოფილი კონკურსანტია. ის Instagram-ზე ძალიან აქტიურია და 650,000-ზე მეტი გამომწერი ჰყავს.

წყვილი 2022 წელს დაქორწინდა, მაგრამ მათ მედიის ყურადღება ბევრად ადრე მიიპყრეს. 2018 წელს ისინი დაშორდნენ, რადგან აურა ხესეს ღალატში ადანაშაულებდა და ამბობდა, რომ იგი ნაადრევად დაბადებულ შვილზე არ ზრუნავდა. თავის მხრივ, ესპანელი ფეხბურთელი ამტკიცებდა, რომ რუისი შვილს საკმარის ყურადღებას არ აქცევდა. ამასთან, გავრცელებული ინფორმაციით, აურამ ერთ-ერთი ჩხუბის შემდეგ ხესეს მანქანით გატანა ცადა.