"ალბათ, ისე ვერ მოვემზადეთ, რომ მსოფლიო ჩემპიონატზე გასვლა დაგვემსახურებინა " - დავითაშვილი

თურქეთთან წაგებული 4:1 მატჩის შემდეგ კომენტარი საქართველოს ნაკრების ფეხბურთელმა ზურიკო დავითაშვილმა გააკეთა.

"რაც გვინდოდა ის ვერ გავაკეთეთ. პირველ რიგში მადლობა გულშემატკივრებს, რომლებიც ამხელა გზაზე ჩამოვიდნენ. ძალიან სამწუხაროა, მაგრამ არ უნდა დავნებდეთ და დასკვნები გამოვიტანოთ.

ალბათ, ისე ვერ მოვემზადეთ, რომ მსოფლიო ჩემპიონატზე გასვლა დაგვემსახურებინა. გოლამდე თურქეთი უპირატესობას არ ფლობდა. გოლის შემდეგ ყველაფერი შეიცვალა.

სტადიონზე სხვა ქიმია და ემოციები გვჭირდება, უნდა გამოვასწოროთ და გადავხედოთ, რა როგორ იყო. ჩვენც ისევე გვტკივა, როგორც თქვენ," - განაცხადა დავითაშვილმა.